Shillong, Dec 3: Ka Meghalaya kala rem ha ka jingiakhun kaba nyngkong jong ka U-16 boys’ Vijay Merchant Trophy ha ka Sikkim da 29 run kaba la long ha Cuttack, kaba la sdang ha ka sngi Thohdieng.
Ka Sikkim kala kamai 197 bad 114 ha ka jingtied arsien katba ka Meghalaya kala kamai 104 bad 178 run.
U Gaurav Jyoti Thakuria ula khur 5 wiket, u Benedict Jones Makdoh bad u Apandanka N Marak kila ioh mar 2 wiket.
Ka Meghalaya haba kala leit ban tied kala dei ban hap lut baroh ki nongtied hapoh 100 run hynrei u Heiyomiki Ryngkhlem ula kamai marwei 43 run hynrei ka Sikkim kala tam da 93 run.
Ha ka wat ka baar, ka Sikkim kala lah ban kamai 114 run bad ki nongkawang bol ka Meghalaya kila lehkai bha ha kaba u Apandanka ula ioh 6 wiket bad ai tang 35 ha ka 10.1 over, katba u Thakuria bad u Benedict kila shim mar 2 wiket.
Ka Meghalaya kala donkam ban kamai 208 ban jop ia ka jingiakhun hynrei ki nongtied kiba hakhmat kim shym la lah ban lehkai bha hynrei u Dipayan Nandi ula kamai 95 run, katba u Gaurav Narleng ula kamai 37 run.
Ka Meghalaya kan iakhun pyrshah ia ka Nagaland naduh ka 6 tarik u Nohprah.
