Shillong, Naiwieng 27: Ka Meghalaya kala rem biang ha ka sien kaba lai ha ka jingiakhun ia ka Vijay Hazare Trophy Cricket One Day ha kaba ka Jharkhand kala pynliem iaka Meghalaya da 92 run kaba la long hynne ka sngi Nyngkong ha Jaipur.
Ka Meghalaya kala jied ban kawang bol nyngkong bad haba ka Jharkhand kaba la tied nyngkong kala kamai 339 bad hap 5 wiket ha ka jingialehkai kaba 45 over namar ka jingjaw slap.
Ka Meghalaya kaba la leit ban tied hadien, kala hap ban beh ne kamai noh tang 297 ha ka 37 Over hynrei ba kala don sa ka jingthud ha ka jingpynmeh ia ka bording la buh noh ia ka thong ba ka Meghalaya kadei ban pyndep bad ban kamai noh 220 run haka 30 Over, hynrei ka Meghalaya kala lah ban kamai tang 127 run bad hap 3 wiket ha ka jingialehkai kaba 30 Over bad kala rem noh da 92 run na ka jingbuh ia ka jingkamai kaba 220 run jong ka Jharkhand.
U Kumar Deobrat jong ka Jharkhand ula tied 164 run na ki 132 bol, katba u Saurabh Tiwary, ula kamai 81 run na ki 55 bol. U nongkawang bol ka Meghalaya u
Akash Kumar Choudhary bad u Rajesh Bishnoi kila ioh mar 2 wiket bad u Md Nafees u la ioh 1 wiket.
Haba ka Meghalaya kala leit ban tied, u Raj Biswa ula kamai 21 run, u Nakul Verma ula ioh 42 run, u Kishan Lyngdoh ula kamai 31 run (not out) bad u Jaskirat Singh Sachdeva ula ioh 18 run (not out).
Ka Meghalaya kan iakhun pyrshah ia ka Maharashtra ha ka Sngi Balang.
