Shillong, Nohprah 10 : Ka Meghalaya Cricket Association ka pynbna ia ki kyrteng jong ka kynhun ba 15 ngut ki rangialehkai, kiban mihkhmat ia ka Jylla ha ka Vijay Hazare Trophy 2025-26, ka one day tournament ne jingïalehkai ba shi sngi jong kiba la heh la san (senior men).
Ka Meghalaya ka ngat ha ka plate group ryngkat ka Manipur, Nagaland, Arunachal Pradesh, Bihar bad Mizoram.
Ka jingialehkai banyngkong jong ka Meghalaya kan long pyrshah ia ka Mizoram ha ka 24 tarik u Nohprah. Baroh ki jingialehkai ka plate group kin long ha Ranchi.
U Dippu Sangma u la shah jied kum u captain, katba u Ram Gurung kum u vice-captain.
Ka ktem kilanmet na ka bynta ka jingpynkhreh ia kane ka tournament kan sdang ha ka 12 bad kan kut ha ka 20 tarik u Nohprah ha Jagiroad, Assam.
Ki Player bad ki support staff na Shillong ki hap ban leit ha Polo Ground, Shillong ha ka 11 tarik u Nohprah ha ka por 1:30 baje nohphai sngi na ka bynta ban leit sha Jagiroad, katba ki player bad support staff na Garo Hills ki dei ban poi ha Guwahati ISBT ha ka 11 tarik u Nohprah ha ka por 2 baje nohphai sngi bad nangtei yn sa ialam ia ki sha Jagiroad.
Ka kynhun kan mih na ka bynta ban leit sha Ranchi ha ka 21 tarik u Nohprah na Jagiroad.
Ka kynhun Meghalaya : Kishan Lyngdoh, Arpit Bhatewara, Jaskirat Singh Sachdeva, Swastic Chettri, Kush Agarwal, Akash K Choudhary, Ram Gurung (VC), Dippu Sangma (C), Lerry G Sangma, Abhishek Kumar, Aryan Borah, Swarajeet Das, Anish Charak, Arien Bonchang Sangma, Riboklang Hynniewta
Stanbys: Arbin Singh, Rohit Shah, Chengkam Sangma, Bamanbha Shangpliang, Abhishek Gupta.
Support staff: Moisten Ch Marak (Head Coach), Pyntngen Mark A Swer (Assistant Coach), Surojit Biswas (Physio), Vikash Singh Chauhan (Trainer), Banteibor Lyngdoh (Manager)
. ){kind=link}