Shillong, Iaiong 27: Ka seng National Hynniewtrep People’s Federation (NHPF) hynne ka sngi Palei, kala ujor daka ejahar pyrshah iaka Rumi Chowdhury kaba dei na jylla Assam halor ka jingkynnoh thok bad pynbeij pisa iaki paidbah ka jylla.
Haba kren sha ki lad pathai khubor hadien ba wan iakynduh ia u Superintendent of Police (SP) ka East Khasi Hills, u president ka NHPF ubah Andreas Nongkynrih ula iathuh ba ka Rumi Chowdhury lem bad uwei u rangbah ba kyrteng Rjib na jylla Assam, kila thok bad pynbeij pisa iaki paidbah daka ba phah ba thep T. 1 lak.
U bah Andreas ula iathuh ba kine ki briew na Assam kila pynbeij iaki paidbah ka jylla lyngba ki rynsan Social Media Facebook bad kila bthah iaki paidbah ban thep pisa T. 1 lak ban kin ioh biang T. 3 haduh T. 4 lak.
U bah Andreas ula kyntu ia u SP bad iaka tnat Pulit ban pynlong iaka jingtohkit khnang ba ki paidbah ka jylla kin lait na kane ka jingshah pynbeij ha kine ki riew shim kabu.
Haba kylli, u president ka NHPF ula ong ba naka liang u SP ula kular ban shimkhia ia kane ka kam bad ula kyntu iaki paidbah ruh ban pyntip sha ka tnat Pulit lada ki lap ia kum kine ki kam thok bad kam pynbeij.
Pule lang ia kane: Dawa ka KSU ban weng noh ia ki shipai BSF na shnong Amlarem
