Shillong, Nohprah 21: Ka Khasi Students’ Union, Education Cell hynne ka sngi Palei, kala iakynduh ia u Myntri ka tnad ka pule puthi Rakkam Sangma ban pynsngew ia ka jingeh jong ki samla pule kiba hap leit ialeh eksam CSIR NET shabar ka jylla Meghalaya.
Ki nongialam ka KSU hapoh ka jingïalam u samla Richest Malngiang bad u samla Shelkitbok Kharbani kila pynpaw ha u Rakkam A Sangma halor ka jingeh ki samla pule hadien ba ka seng kala ioh ïa ka jingujor na ki samla pule ka jylla ki ban ïakhun ïa ka examine CSIR NET exam 2023.
La pyntip ba kane ka eksam ka dei kaba la buh ban long ha ka 26,27,bad 28 tarik u Nohprah 2023 bad ki samla ka Jylla ki hap ban leit ïakhun ïa kane ka exam shabar kum sha Jorhat bad Dibrugarh.
“Na ka liang jong u Myntri ula kular ban shimkhia mardor ïa kane ka kam” ong ka kyrwoh ka KSU.
“Hakhmat ki nongialam ka seng u Myntri ula phone ia u Senior Director ka NTA ba un khmih bniah ïa kane ka kam bad ban pyntikna ba ki samla pule ka jylla ki dei ban ïoh thoh ïa kane ka examine hapoh ka jylla la jong” ong ka kyrwoh.
