Dawa buh Police Outpost ha Lapangap bad buh buh ki Pulit
Shillong, Jylliew 28 : Ka Jaintia Joint Action Committee Border Issue (JJACBI) kaba kynthup ia ki sengbhalang bapher jong ka rilum Khasi bad Jaintia kila aiti ia ka dorkhas ia u Deputy Commissioner ka West Jaintia Hills ban pyrshah ia ka jingshah thombor ki paidbah ka shnong Lapangap namar ka jingiaknieh jaka bad ka jingiakyntur pud bad ka Karbi Anglong, Assam.
Ka committee kala pynpaw ba watla kila don bunsien ki jingiakren hapdeng ki bor pyniaid district, hapdeng ki Myntri Rangbah bad kiwei pat ki heh ophisar, hynrei ka jinglong jingman kam shym la long satia kaba biang.
Kala kam ba ka jinglong jingman kala nang sniew haba kynnoh ba ki paid Karbi Anglong kila wan kyntur pud ia ki jaka jong ki riewshimet kiba dei ki trai shnong ka Lapangap.
Kala pynpaw ruh ba ka jingbym lah ban pynbeit ia u pud u sam kala lam sha ka jingiakyntur pud bad ka jingknieh ia ki jaka jong ki riewshimet da ki jaidbynriew Karbi lyngba ka seng Karbi Student Association.
Ka committee kala pynpaw ruh ba ka jingjia dang shen kaba kynthup ia ka jingjoa ha ka 25 tarik u Jylliew, ha kaba ki briew na Assam kila pyrshang ban knieh jubor ia ki jaka bad leh ruh ia.ki.kam runar.
Ha ka dorkhas la kdew ruh ba ka jingbym don ia ka survey kaba biang bad ka jingbuh dak ia u pud u sam kala lam sha ka jingiakam bad jingiaknieh ia ki jaka ki puta.
Ka Committee kala ai jingmut ban pynneh ia ka shongsuk shongsain ha katei ka jaka. Kaba kynthup ban pynthikna ia ki buit treikam ban shimkhia iaka jongpynbeit ia u pud u sam uba la sahteng la bun snem, ka jingpynjur ia ka jingpeitngor ban tehlakam ban ym mih ka jingkyntur pud jongki paid Karbi, ban iada ia ki paidbah ka Lapangap ha ka por leit thung leit tep, ban thaw ia ki lad bad ban pynbeit ia kane ka jingiakynad mardor bad ban buh ia ka police outpost ha ka shnong Lapangap ryngkat bad ka buh bun ngut ki pulit.
Ka committee kala kyntu ia u Deputy Commissioner ban shimkhia ia kitei ki mat kum ka lad ban ai jingiada katba ka dang sahteng ka jingpynbeit ia u pud u sam. Kala banjur ruh ba kitei ki mat ki long kiba kongsan bha ban kiar na kino kino ki jingjia bad ban pynbeit noh shi syndon ia katei ka mat
 kaba kynthup ia ki sengbhalang bapher jong ka rilum Khasi bad Jaintia kila aiti ia ka dorkhas ia u Deputy Commissioner ka West Jaintia Hills ban pyrshah ia ka jingshah thombor ki paidbah ka shnong Lapangap namar ka jingiaknieh jaka bad ka jingiakyntur pud bad ka Karbi Anglong, Assam.){kind=link}