Nongstoin, K’lyngkot 11: Ka Hynñiewtrep Youth Council-Mawshynrut Circle mynta ka sngi ka la leit ujor hakhmat u EE PWD Nongstoin bah F.Sohlang hadien ka jingbym hun ïa ka jingsiang rong ïa ka surok na Porla sha Rimardon kaba 3 kilometer.
Ka HYC Mawshynrut circle ryngkat ki Nongïalam Shnong Proiñ, kila kynnoh ba ka rukom siang rong ka dei kaba la shu leh torti bad la shu siang tang dep rukom.
Kila ong baka jingsiang rong ka dei kaba stang shaba palat nalor ka jingbym biang ki nala bad muri ba ïaid ka um bad ha shwa ban siang ym shym la pynmadan bha ha ki jaka ba don ki maw bad la shu siang ha jrong ki maw, kaba ym I don jingkyrmen ba kan neh.
Na ka liang u EE u la kular ban shimkhia bad u la pyntip ruh ba un sa leit jurip ïa katei ka surok ryngkat ki Contractor.
