Nongstoiñ, Ïaiong 10: Ka Hynñiewtrep Youth Council-West Khasi Hills District, ha ka sngi Palei, kala leit ujor sha u Deputy Commissioner ka District haba kynnoh ba bun satang ki kynrum kynram ha ka jingthungkam ka District Selection Committee (DSC) ka District.
Ka HYC kala pynpaw ba kala ioh pdiang ia bun ki jingujor na ki samla wad kam ka West Khasi Hills District kiba iadei bad ka jingsahkut ki Exam, ki interview, ki Result jong ki exam naduh 2020 bad kiwei kiwei. La ong ba ka DSC wat hapdeng ka jingsahteng ban pynmih ia ka result, kala pynmih jingpynbna laitkam thymmai, kaba pynlyngngoh ïa baroh ki samla wadkam.
Ka seng ka dawa ban pyndep shuwa ïa ki kam sahteng la ka dei ka jingthoh Exam, ka interview ka Result jong kiba ba la sahteng la slem kiba naduh 2020, nangta sa pynbeit sa kine kiba dang pynbna lane advertise mynta.
Ka HYC ka ong b aka long kaba dei ban pynbna paitbah ïa baroh ki post kiba la lait, hynrei ka seng ka kwah ban khuid shuwa kiba rim, namar kiba naduh 2020 ym pat pyndep satia.
Ha ka jingïakren, na ka liang u DC u la ong un sa shimkhia katba ka por ka dang shah ïa u kum u DC bad ong ruh ba ha ka por jong u, ki la don haduh lai tylli ki elekshon ba kynthup ïa ka MLA, MP bad MDC, dei na ka ta ka daw ba buh jingeh bha ban pyn ïaid shakhmat ia ka jingthungkam.
 ka District.){kind=link}