Nongpoh, Naitung 07: Ka seng Hynniewtrep National Youth Front (HNYF) hynne ka sngi Thohdieng, kala leit ban ujor ha u Superintendent of Police ka Ri-Bhoi District halor ka jingeh bala mad da ki paidbah ki shnong khappud ka Block-II namar ka jingiai bteng ki kam thombor na ka liang ka Assam.
Ki Nongialam ka HNYF ba kynthup ia u Samla Edward Thangkhiew, Assistant General Secretary, Sengkmie, lem bad u Samla Edilbert Nongrum Secretary ka Northern Region, bah Barnabas Lyngdoh Vice President HNYF Raid Nongtung Circle, ha ryngkat ki Dkhot ka Umsning Circle kila iakren markhmat bad u SP ba un tuklar lem ha kaban weng ia ka jingeh ki paidbah ka thain..
Haba iakren bad ki lad pathai khubor, u samla Edward Thangkhiew ula iathuh ba ka seng kala ioh ia ki jingtip bad ki jingud jingnam jong ki paidbah na ki shnong khappud ka Block-II halor ka jingbym long ba kloi jong ki Pulit ka Jylla ban ai jingiarap ia ki ha ka por ba ki mad ia ki jingeh na ka jingwan pynibor na Assam
Ula ong ba kine ki jingud jingnam kila wan na ki shnong kiba kynthup ia ka Khlieh Umwang, Umlaper, Sabuda bad kiwei kiwei.
Kat kum ka jingong jong u, kine ki shnong haba don kano kano ka jingjia, ki ju leit sha ki bor Pulit ka Meghalaya ban pan jingiarap hynrei kaba lyngngoh ka long ba ki Pulit kiba don ha kitei ki jaka kila shu kular tang ha ka jingiakren ym da ka kam.
Ula kynnoh ba haba ki paidbah ki lei tai ejahar ruh, bunsien ki Pulit kim ju pdiang ia ki ejahar. Ula ong ba kaba thamula ka long ba haman ba ki paidbah ki leit sha Thanad, kane ka Thanad ka don beit tang uwei u Pulit ba treikam. Halor kane, ka seng kala dawa ia une u heh Pulit ba un phah kham bun ki Pulit sha kane ka jaka ban ai pahara ia ki nongshongshnong.
Une u Nongialam ka HNYF ula pyntip ba u khliehduh ki Pulit ka Ri-Bhoi District ula ai ka jingkular ba un sa tuklar ia kane ka kam bad un sa leh eiei ruh halor ka jingbym shimkhia jong ki Pulit ba don ha ka thain Block-II iaki ejahar ba ai da ki paidbah.
Pule ruh: Kem ding kynsan ka kali kit nar rot ha surok Shillong Bypass
 hynne ka sngi Thohdieng, kala leit ban ujor ha u Superintendent of Police ka Ri-Bhoi District halor ka jingeh bala mad da ki paidbah ki shnong khappud ka Block-II namar ka jingiai bteng ki kam thombor na ka liang ka Assam.){kind=link}