Nongstoin, Lber 19 : Ka Hima Nongmynsaw, kala leit ban ujor sha u Superintendent of Police ka West Khasi Hills Bikram R Marak halor ka jingbym pat kem ki Pulit ia ki briew kiba shoh ia u Syiem ka Hima Phlowel Syiem, kaba la iaid mynta lah jan san bnai.
U Syiem ka Hima Phlowel Syiem ryngkat ka jingsynran u Joint Secretary ka Hima Donbok Snaitang bad Bah Phyrnailang Iawphniaw, ha ka sngi Balang, kila leit iakynduh markhmat ia u Superintendent of Police ka District bad aiti da ka jingthoh halor kane ka kam ki Pulit.
Kumban shu pynkynmaw, u Syiem Phlowel Syiem, ula shah ktah kti ha ka 22 tarik Naiwieng 2024 ha ki katto katne ngut ki briew bala kynnoh ialam da u Bah Passtar Nongshillong.
La iathuh ba kane ka kynhun kala leit rung jubor ha ka Ophis treikam u Syiem ka Hima kaba don ha Iew Langpih bad kila shoh ia u Syiem khlem ka jingiatiplem wat haba ula tynmen ka rta.
Ka Hima kala ujor da ka ejahar ha Langpih Police Outpost halor kane ka jingjia.
