Nongpoh, K’lyngkot 27 : Ka Federation of Khasi Jaintia & Garo People (FKJGP)- Nongpoh Circle, ha ka sngi Nyngkong, kala leit ban ujor sha ka District School Education Officer (DSEO), Ri-bhoi District, halor ka jingkyntait ki katto katne ki skul ban ai Transfer Certificate ia ki khynnah skul kiba kwah kynriah skul.
Ka FKJGP-Nongpoh hapoh ka jingialam u President P Khymdeit, kala leit iakynduh markhmat ia ka DSEO Ruby Z Das kaba dei ruh ka Joint Director ka School Education & Literacy bad ujor pyrshah ia ki skul kiba kyntait ban ai TC bad Personal Education Number (PEN) sha ki Khynnah.
Haba iakre bad ki nongthoh khubor, u samla P Khyndeit ula iathuh ba ka Seng kala ioh pdiang ia ki jingujor na ki Kmie Kpa ki Khynnah halor ka jingeh ba kin ioh leit pule shaki skul ba ki kwah namar ka jing kyntait ai TC bad PEN da ki katto katne ki skul.
Ka FKJGP-Nongpoh ka pynpaw ia ka jingsngewkhia ia ka jingdon kum kine ki skul ha ka District bad kynnoh ba ruh ka jing don kum kine ki skul kaba la wanrah ia ka jingpep skul shiteng por jong ki khynnah.
La iathuh ba ka DSEO kala kular ba kan pynlong ia ka jingwad bniah halor kane ka jingujpr bad ban shimkhia ruh mardor ha ka ban weng ia ki jingeh jong ki Khynnah skul.
