Nongstoin, Lber 05 : Ka seng Federation of Khasi Jaintia & Garo People (FKJGP) bad ka Hynniewtrep Youth Council (HYC) ka West Khasi Hills, ha ka sngi Balang, kila leit ban ujor sha ka Deputy Commissoner halor ka jingsuki palat ka jigpyntrei ia ki surok bad ki jingkieng da ki kompani ha artylli ki jaka ha West Khasi Hills.
Kawei na kine ki surok ka dei ka surok Nongstoin-Rambrai Phase-I ba pyntrei da ka kompani Spice Project Infa Pvt Ltd, bad kawei pat ka dei ka surok Nongstoin-Wakaji, Phase-I ba pyntrei da ka Joint Stock Company Industrial Association Vozrozhdenie Pvt Ltd.
Haba kren sha ki lad pathai khubor, u President ka HYC Bah Lumlang Kharsyiemlieh ula pyntip b aka jingpyntrei ia ka surok Nongstoin-Rambrai haduh mynta ka dang dep tang 80% bad ki paidbah kila ud bha namar ka jingkynnoh lehnoh bad trei suki palat ka kompani.
Ula ong ba ka jingpyntrei ia ka jingkieng ha Tiehsaw ban rung sha skul Anderson, ka dang sah kumjuh bad khlem lah pyndep shuh katno katno ruh.
Kumjuh ruh, u iathuh ba ka surok Nongstoin-Wahkaji kala iaid kumba 80% bad ka jingpyntrei ia ka jingkieng hajan District Jail bad kawei ka jingkieng ha Kynroh, kaba jngai kumba 9km na Nongstoin, kila iaid suki shaba palat, bad buh ia ki paidbah nongleit nongwan ha ka jingeh.
Ha kajuh ka por, ka FKJGP hapoh ka jingialam u Asst General Secretary Bah Jistarlang Lyngkhoi, kila leit iakynduh ia ka DC bad ujor ia kine ki juh ki kompani.
Kat kum ka jingujor, une u Nongialamula kdew ia ka jingsuki ban siang rong pyndep ia ka surok bad shna pyndep ia ka jingkieng hajan District Jail, Wah Photkynthei, ka jingslem ban buh ia ki sign ha shilynter ka surok, ka jing pynslem ban pyndep ia ka jingkieng ba pyniasoh ia ka Mawthungker sha Nongkynjang bala tip kum ka Kynroh.
Kine ki artylli ki Sengbhalang kila kyntu ia ka Deputy Commissioner ba kan tuklar lem bad ban bthah ia ki kompani ba pyntrei ia kine ki project ba kin trei pyndep noh bad ban trei sani ia ka kam.
La pyntip ba ka Deputy Commissoner ka Hema Nayak, kala pynpaw ba shen kan sa khot ia ki borkhmih jong kine ki kompani ban kylli ia ki daw bad ban bthah ba kin pynsted noh ia ki kam.
 bad ka Hynniewtrep Youth Council (HYC) ka West Khasi Hills, ha ka sngi Balang, kila leit ban ujor sha ka Deputy Commissoner halor ka jingsuki palat ka jigpyntrei ia ki surok bad ki jingkieng da ki kompani ha artylli ki jaka ha West Khasi Hills.){kind=link}