Nongstoiñ, 6 Lber: Ka Seng Federation of Khasi Jaintia & Garo People (FKJGP), Mawliehbah Area Unit hynne ka sngi Balang, kala leit ban ujor sha u Executive Engineer ka tnad PWD (R) halor ka jingsahteng ka jingpyntrei ia ka surok na Mawiaban-Mawkading-Nongkaniang kaba jngai kumba 2 Km eiei.
Haba iakren sha ki lad pathai khubor hadien bala dep iakynduh ia u EE, ki Nongialam ka FKJGP kila iathuh ba kidon ki bynta jong katei ka surok kiba la dep ba siang rong hynrei ka jingpyntrei ka long kaba torti bad ki don ruh ki bynta bala shu ieh khong reng.
Ka FKJGP kala pyntip ba ia katei ka surok la mang pisa haduh 2 klur tyngka bad la buh ban pyndep hapoh u Kyllalyngkot jong u snem 2024 hynrei ki contractor haduh mynta ki khlem pat lah satia ban trei dep ia ka kam.
Namar kata, ka FKJGP ka dawa ia ka Tnad PWD ba kan tuklar bad hukum ia u Contractor ban trei noh wut wut ia ka kam.
