Shillong, Jymmang 07 : Dr D.Rockyer Lyngdoh Nonglait uba ju iatip kum u President ka Khasi Author Society (KAS), ula pynskhem ban long u kyrtong jong ka party ba synshar ia ka Jylla-ka National People’s Party (NPP), ha ka elekshon shiteng samoi ka Lok Sabha na Shillong Constituency ban sa long shen.
U Dr D.R.L Nonglait u dei u professor bad academician uba la pawbha hapoh ka Jylla bad u dei uba trei shirtem ha ka jing pynphriang ia ka pule dangle lyngba ki kam hikai, pyniaid ia ki jaka pule, kam thoh kot, kam wad bniah, bad wat ki kam ban pynwandur ia ki policy ha ka pule dangle kiba la pyntreikam da ka Sorkar khlem da klet ia ka jingialam nakhmat eh ban iakhih ha kaban pynrung ia ka ktien Khasi hapoh ka khyrnit ba phra jong ka Riti Synshar ka Ri.
Uei u Dr DRL Nonglait- Kine harum kin batai shai ba ngin tip bad shemphang ia kiei ki kam kiba une u Rangbah ula leh bad noh synniang sha ka Jylla bad khamtam eh sha ka Jaidbynriew Khasi.
U Dr DRL Nonglait u trei mynta kum u Professor ha ka Department of Khasi bad Director ka College Development Council, NEHU.
Ula pyndep ia ka jingpule B.Com na NEHU, Shillong, BA(Hons) na NEHU, Shillong, MA (Khasi) na NEHU, Shillong, MA (Christian Studies) na ka University of Madrass, Chennai, M.Phil (Khasi) na NEHU, Shillong bad Ph.D (Khasi) na NEHU Shillong.
Ka kam hikai, btin lynti ia ki nongleh research, bad ki scholar ba ioh ia ki M.Phil bad Ph.D
Ula trei kum u Reader (2006-2012), Professor (2012 haduh mynta) Department of Khasi, NEHU, Shillong. Ki scholar ba ioh M.Phil degree ki don 6 ngut bad ki scholar ba ioh Ph.D ki don 9 ngut.
Ki kam kiba u sngewtynnad eh ha ka lain pule/jingpyntbit:
Postcolonial literature, Literary Theory and Criticism, Khasi Culture bad Khasi Langsuage Studies.
Ka jingshemphang u nongpyniaid kam :
Principal, Mawsynram Border Area College, Mawsynram (Nailar-1999 haduh Jymmang 2000)
Principal, Sngap Syiem College, Mawkyrwat (Jylliew 2000 haduh Nohprah 2006)
Head, Department of Khasi, NEHU Shillong (Naitung 2020 haduh Jylliew 2023)
Director, College Development Council, NEHU, Shillong (Naiwieng 2024 haduh mynta).
Ki jingthungkam da ka Sorkar Jylla ha ki Committee bapher bapher :
Examiner ka State Literary Award, ka Sorkar Jylla, Shillong (2008-2010)
Dkhot ka Committee ka Sorkar Jylla ban khmih ia ki kam ban pynrung ia ka ktien Khasi ha ka khyrnit ba phra ka Riti Synshar ka Ri.
Dkhot ka Taskforce Committee halor ka Meghalaya State Education Policy, ka Sorkar Meghalaya (2016-2018)
Dkhot ka Taskforce Committee halor ka Meghalaya State Curriculum Framework ka Sorkar Meghalaya (2018-2019)
Resource Person ka Selection Committee ban ai jingiaroh song pisa ia ki nongthoh kot , ka Tnad Arts & Culture ka Sorkar Meghalaya ( 2022 haduh mynta)
Ki kot, ki lynnong kot bad ki Research Article bala pynmih (Khasi bad English) :
7 tylli ki kot (3 ha ka English bad 4 ha ka Khasi), 6 tylli ki lynnong kot (4 ha ka English, 2 ha ka Khasi) bad 25 tylli ki Research Article (8 ha ka English bad 17 ha ka Khasi).
Kiwei pat ki kam kiba don jingiadei bad ka pule dangle :
Secretary ka Society of Khasi Studies, Shillong (2007-2010)
Secretary ka Tribal Literary Forum of India, Shillong (2010-2022)
President ka Khasi Author Society, Shillong ( 2012 haduh mynta-7 samoi lynter)
Dkhot ka Governing Body/Managing Committee jong ki skul bad college bapher bapher.
, ula pynskhem ban long u kyrtong jong ka party ba synshar ia ka Jylla-ka National People’s Party (NPP), ha ka elekshon shiteng samoi ka Lok Sabha na Shillong Constituency ban sa long shen.){kind=link}