Shillong, Jymmang 12: Ka U-15 Girls North East Rising Cup 2025 kan sdang naduh lashai ka sngi bad ka Meghalaya Cricket Association hynne ka sngi Nyngkong kala pynbna ia ka thup kyrteng jong ki nongialehaki kiban iashimbynta ha katei ka lympung iakob ialehkai.
La jied ia ki 20 ngut ki nongialehkai lyngba ki Zonal Camp kiba la long ha Shillong bad Tura hashwa ban ialum lang ha madan Nongkhrah, Ri-Bhoi, ha kaba la jied ia ki nongialehkai kiba kynsai ha ryngkat bad ka jingpynkhreh ia ki.
Kane ka lympung iakob ialehkai kadei da ka jingthmu ban kyntiew ia ka jingialehkai Cricket ki kynthei naduh na ki shnong ki thaw ha ka thain shatei lam mihngi bad kadei ka sienjam kaba la lamkhmat da ka Assam Cricket Association bad yn pynlong ha Guwahati.
Kin don 8 tylli ki kynhun kiban iashimbynta bad la phiah ha ki ar tylli ki kynhun ne Group, ka Meghalaya kala shah pynhap ha ka Group B bad ka Tripura, Sikkim bad Mizoram, katba ka Assam, Arunachal Pradesh, Manipur bad Nagaland kila ngat ha ka Group A.
Ka kynhun jong ka Meghalaya ka kynthup ia ka Namesha A Marak (C), Laviola Mary Lyngdoh (VC), Prisceca Nongpiur (WK), Naridashisha Marngar (WK), Phibanylla Tongwah, Lawanjingkyrmen Lyngkhoi, Badphishyrta L Nonglait, Avianna Myrthong, Alvarine Shullai, Anuradha Gurung, Iarikmen Kharbteng, Onasa M Sangma, Sonakshi R Marak, Charkisha M Momin bad ka Aniesha Arengh.
Ki Standby ki kynthup ia ka Dajanai L Nonglait, Idatyngkai Marngar, Saramanbha Khongsti, Nokgam N Marak, Bianchimik R Sangma katba ki Support Staff ki kynthup ia Shankar Newar (head coach), Surooj Rabah (assistant coach), Sweetie Marboh (trainer), Jakrimbal D Arengh (physio) bad Phibakordor Diengdoh (manager).
