Shillong, Mar 21: Ka jingialehkai bha jong ka Shreya R Marak kala pynlong iaka South Garo Hills District Cricket Association ban jop da 21 run iaka East Khasi Hills Cricket Association ha ka U-14 Girls Inter District Cricket T20 Tournament 2023 kaba la long ha Nongpyndeng, West Khasi Hills, hynne ka sngi watla kala don ka jingjaw slap.
Katba ha kawei pat ka jingiakhun hapdeng ka Shillong Cricket Association bad West Jaintia Hills District Cricket Association, la hap ban pynsangeh noh shwa namar ka jingbym ailad ka mariang.
Ka EKH kala jop iaka jingkynting pisa bad kala jied ban bol nyngkong, ka SGH kala ioh ban kamai 52 run ha ki 7 over ha kaba ka Shreya kala kamai 21 run khlem da out katba ka Kimtera D Sangma kala kamai 16 run khlem out.
Ha ka jingbeh ia katei ka thong, ka EKH kala ioh ban kamai tang 31 run bad hap 6 wiket.
Ka Shreya kala kawang bol 2 over bad kala shim 3 wiket bad ai tang 5 run, katba ka Dejiansua M Sangma kala shim 2 wiket bad ai 12 run bad ka Mania Sangma kala ioh his wiket bad ai 2 run.
Ka Shreya kala ioh ia ka nam Player of the Match.
