Nongpoh, Nohprah 05 : Ki Nongkitkam ka National People’s Party (NPP)-Umsning Block, kila tyrwa biang ia ka kyrteng jong ka kong Macdalyne S Mawlong, MDC ka Umsning, ban long ka kyrtong ka ban aireng ia ka elekshon MDC ban wan napoh Umsning.
Kane ka sur jong ka NPP-Umsning Block kala mih na ka jingialang jong ka Central Executive Committee (CEC) ka NPP Umsning Block, kaba long hynne ka sngi Ba-ar ha Umsning Auditorium Hall ha ka jingiadonlang u MLA barim Bah Jason S Mawlong uba dei ruh u State Secretary ka Shillong City, u President ka NPYF Bah Wankerlang Nongrum bad kiwei kiwei.
Haba kren ha ka jingialang, ki Nongkitkam ka Party kila pynpaw ia kawei ka sur ba ki dang ibit ia ka Kong Macdalyne ban long biang ka kyrtong ban iakhun ia ka elekshon MDC. Kila pynpaw ba kane ka dei ka rai kaba mih na baroh ki nongkyrshan namar ka jingiohi ia ka jinglong shisur jong ka kong Macdalyne.
Hadien kane ka jingialang, ka NPP-Umsning Block kala leit ban buh ia ka shithi sha u President ka NPP-Ri-Bhoi District Bah Clement Mawlong ba kyrpad ia u ban leit pynpaw sha ki bor ba halor ba kin kyrshan ia ka jingkwah jong ka NPP-Umsning.
