Shillong, Nohprah 09 : U Symbud Myntri Rangbah ba khmih ia ka Tnad PWD (Roads) Bah Prestone Tynsong ha ka sngi Ba-ar, ula shong bishar kam halor ki jingtyrwa ban shna ia ka flyover bad ki project jingkieng hangne ha Sor.
Haba kren sha ki lad pathai khubor hadien ba pyniaid ia ka jingialang, u Bah Prestone ula pyntip ba ka SorkarPdeng kala ai ka jingmynjur ban pynjlan ia ka jingjrong jong ka flyover haduh Barik Point ha ka jaka ban pynkut tang haduh ka Lad Anjalee Petrol Pump kaba rim.
“Kat kum ka jingtyrwa ba nyngkong, ka flyover kan kut haduh ka lad Anjalee Petrol Pump barim hynrei hadien ba ngi kyr pad ia ka Sorkar India ban pynjlan ia ka jingjrong ka fly over haduh Barik Point, kila ai ia ka jingmynjur” ula ong haba bynrap “Mynta wat ia ki kam jaka, ka jingpynwan dur ia ka flyover la nang pynkhreh da ka NHIDCL”.
U Symbud Myntri rangbah ula pynbna ruh ba ia ka jingkieng ba thymmai bala shna hakhrum ka jingkieng pung Umiam, yn sa sdang pyniaid kali noh naduh u bnai Lber 2026.
Ka jingkieng kala jan dep artad bad ka jingshna ia ka surok sha katei ka jingkieng ruh kala iaid bad haba kut u Lber ngin sa lah ban pyndonkam noh ia ka bad hadien ba dep kine ki kam, baroh ki bos night super, ki trok kit mar ki lah ban iaid na kane ka jingkieng.
 Bah Prestone Tynsong ha ka sngi Ba-ar, ula shong bishar kam halor ki jingtyrwa ban shna ia ka flyover bad ki project jingkieng hangne ha Sor.){kind=link}