Nongpoh, Jylliew 11: Uwei u rangbah u la duh noh ia la ka jingim hadien ba ka thuk thuk (Scooty) kaba u niah, ka la shah tynrah ha kawei ka kali dumper hynne ka janmiet hajan ka skulbah USTM.
Kane ka jingjia la kynnoh ba kala jia namar ka jingniah kali khlem akor jong u nongniah trok uba la pynher sted ia ka kali bad leit tynrah beit beit ia kane ka scooty. Kane ka trok ka dei kaba mih na ki thain Killing bad kaba thmu ban hiar sha Guwahati.
Une u nongniah scooty u kyrteng u Killing Mikhin ba 46 snem ka rta, uba dei na ka Shnong Bara Killing bad ia ka met jong u, la pynkit noh sha Nongpoh Civil Hospital ban leh ia ka post mortem.
Ki Pulit ki pyntip ba u nongniah jong kane ka trok ula phet krad tang marsyn jia kane ka jngjia.
Ki paidbah haba ioh jingtip ia kane ka jingjia, kila iamih sha surok bad da ka jingbitar, kila ialun maw bad thmu ban wiang ding ia kane ka trok hynrei da ka jingkloi ban tuklar ki Pulit ka Khanapara Police Station bad ki CRPF ha ryngkat ki Nongialam Shnong, la lah ban pynjai jai ia ki paidbah.
Ki Pulit kila register case halor kane ka jingjia bad ka jingtohkit mynta kala iaid shakhmat.
