Nongpoh, Naitung 11 : Ki dkhot ka seng Hynniewtrep Nation Youth Front (HNYF) ha ka janmiet sngi Palei, kila leit tur sha thanat Nongpoh halor ka jingshah kem ki dkhot ha ki pulit halor ka jingkynnoh ba ki dei ki dkhot ka seng kiengatiar Hynniewtrep National Liberation Council (HNLC).
Ki nongialam ka HNYF kila ong ba ka jingkem ia u bah Sanbor Rapsang ba na Mawlai Umjajew, ka dei kaba la leh halor ka jingkynnoh ba u dei u nongiarap ban ialam ia ki dkhot ka HNLC sha Bangladesh ban shah hikai.
Ki nongialam ka HNYF kila ong ba u bah Sanbor u dei u dkhot ka seng ba la don 20 snem eiei bad u dei u briew u bym ju don dak sniew. Kila ong ba katkum ka jingiathuh ki pulit, la kem ia u namar ba u la pynlip beit ia ka phone ha kine ki sngi.
Ka hymmen u bah Sanbor, ka la ong ba u para jongka, u dei uba ju sngew tynnad bad don mynsiem ban iarap ia ki briew. La iathuh ba ki pulit kila kem ia u ha ka por ba u dang wan shaw skul ia ki khun ha ka por 2 baje eiei mynta ka sngi na iing sah jong u na Mawlai Umjajiew.
Nalor u bah Sanbor, ki pulit ka Ri-Bhoi kila kem ia u Kynsaijun Thabah basah ha Kynton, Umlyngka uba kila kynnoh ba u dei u dkhot ka HNLC ba la wan shah hikai na Bangladesh.
 ha ka janmiet sngi Palei, kila leit tur sha thanat Nongpoh halor ka jingshah kem ki dkhot ha ki pulit halor ka jingkynnoh ba ki dei ki dkhot ka seng kiengatiar Hynniewtrep National Liberation Council (HNLC).){kind=link}