Shillong, Lber 14: Ka Meghalaya Pradesh Youth Congress (MPYC) bad Mahila Congress hynne ka sngi Palei, kila pynlong ka jingiakhih ha Nongbah Shillong ban pyrshah iaka jingpyntreikam iaka Citizenship Amendment Act (CAA).
Ka MPYC haka jingialam u President samla Adrian Chyne Mylliem, ka la leit ialum paidbah ruh hakhmat ka ophis treikam jong ka Meghalaya Bharatiya Janata Party (BJP) ban pynpaw iaka jingpyrshah iaka Sorkar Pdeng ba ialam daka BJP kaba la iaid pyniaid shakhmat ia ka jingtreikam jong ka CAA hapoh ka Ri India.
La iohi ruh ba naka liang ki dkhot ka Mahila Congress kila ialum ha Khyndai Lad bad kila pyrta slogan ban pynrem iaka Sorkar Pdeng bad kumjuh ruh ban pynrem iaka CAA.
Haba kren sha ki pad pathai khubor u Vice President ka MPYC samla Banphira Basaiawmoit u la ong “Watla iaki jaka ba hap hapoh ka Sixth Schedule la pyllait naka CAA hynrei lada ki nong Bangladesh kila kylla long ki nong India, ka ain aiu ka ban khanglad iaki ban wan sha Meghalaya”.
U Banphira u la ong baka riti synshar ka Ri India ka shah iaki nong shong shnong ban sah ha kano kano ka Jylla bad lada ki nong Bangladesh kiba ioh long nong India lyngba ka CAA, kan nym don ain ban khang iaki ba kin wan sha Meghalaya, ha kata ka por mano ban shim ka jingkitkhlieh.
“Ka Meghalaya kala jyllei lypa daki bar Jylla bad ka jingkam baka Meghalaya ka lait naka CAA ka dei tang ka jingpynthame iaki briew” ula ong.
“Ngi pyrshah bad ngi dawa ba dei ban pyndam noh shi syndon iaka CAA ha baroh ka Ri India” ula bynrap.
 ban pynpaw iaka jingpyrshah iaka Sorkar Pdeng ba ialam daka BJP kaba la iaid pynshakhmat ia ka jingtreikam jong ka CAA hapoh ka Ri India.){kind=link}