Agartala, Jylliew 4: Hynriew ngut ki ehrang ka National Liberation Front of Tripura (BM), ka kynhun bala shah khein be-ain, kila wan ban pyndem wait ha ka sngi Saitjain hakhmat ki shipai Border Security Force (BSF) ha Tripura.
Kine ki ehrang ki dei kiba dang shu rung thymmai sha kane ka kynhun kiengatiar bad ki dei naka shnong Wakhiram Roajapara.
“Hynriew ngut ki ehrang ka NLFT (BM) kiba dang shu rung thymmai sha kane ka kynhun kila wan ban pyndem hakhmat ki shipai BSF ban im noh ia jingim ba thymmai. Kine ki ehrang ki dei kiba shu shah pynngop” ong ka kyrwoh na ki BSF.
Kine ki hynriew ngut ki kyrteng u Khorsamohan Tripura, Madan Mohan Tripura, Ramanjoy Tripura, bad Alajoy Tripura kiba la pyndem ha ka step 3 tarik Jylliew. Ki arngut kiwei pat ki dei u Barmita Tripura bad Meturam Tripura kiba dei na Thalcherra bad Dhalai.
