Agartala, Nailar 22: Ki pulit ka Jylla Tripura ki la kem ia 2 ngut ki briew kiba kynnoh donkti ban batbor ia kawei ka khynnah kynthei hapoh ka kali ha Station Rel Udaipur ha Gomati.
Ki 2 ngut kiba shah kem ki kynthup u Mithun Debnath (24 snem) bad u Bower Debbarma (24 snem) na Maharani.
Hadien ka jingujor na kiba haïing ha ka sngi Thohdieng, ki Pulit kila kem noh baroh 3 ngut ki samla namar ka jingkynnoh ba ki donkti ha katei ka kam bymman.
“Katei ka khynnah kynthei ha ryngkat bad 3 ngut ki para marjan jong ka, ka la leit sha Tripureswari temple ha ka janmiet jong ka 21 tarik. Hadien ba ki la leit jngoh ia katei ka temple, 2 ngut ki khynnah shynrang ki la ialam ia ka sha Station rel Udaipur da ka kali. Ha lynti, u Mithun bad u Bower ki la batbor ia ka ha ka kali kaba iaid artad” la ong ka officer-in-charge jong ka RK Pur women police station ka Nibha Sinha.
Ka Sinha u la iathuh ba ha kaba nyngkong la kem ia kitei ki 2 ngut na Kakraban checkgate ha Udaipur subdivision ha ka por ba ki dang wanphai ha ka por 10 baje eiei mynstep.
“Haba la kylli, katei ka khynnah ka la kam ba ka la shah batbor ha 2 ngut ki paralok jong ka. Nangta ngi la wanrah ia ki sha thanat kynthei RK Pur ban tohkit”, ka la ong.
“Ka kynhun forensic ka la peit bniah ia ka kali ha kaba la leh beijot ia katei ka khynnah kynthei. La rah ia katei ka samla kaba lait im ha khmat ka iingbishar jong ka thain ban pynrung ia ka jingkren jong ka kum shi bynta jong ka jingtohkit”, ka la ong.
