Agartala, Lber 24: Hashwa ka eletion sha ka iingdorbar jong ka Tripura Tribal Areas Autonomous District Council (TTAADC), ka TIPRA Motha ka la mad ia ka jingphet seng jong ki nongialam ba hakhmat jong ka sha ka seng Bharatiya Janata Party (BJP) ha ka sngi Ba-ar.
Ki nongïalam kiba la leit pyniasoh ha ka jingialang bala pynlong ha Ophis ka BJP ha Agartala ha ka jingïadon lang u Myntri Rangbah ka Jylla u Manik Saha bad u State President ka BJP ka jylla uba dei ruh u MP ka Rajya Sabha u Rajib Bhattacharjee.
Kine kiba la leit ban pynïasoh sha ka BJP ki kynthup ïa u Executive Member ka TTAADC u Ananta Debbarma, u MDC u Sadagar Koloi, bad ki nongïalam ba rangbah jong ka TIPRA Motha u Rajesh Kumar Debbarma, u Taishiram Reang bad u Suryabasi Molchum.
Kane ka jingjia ka wan tang katto katne taiew shwa ka elekshon TTAADC, kaba la buh ban long ha ka taiew kaba ar jong u bnai Iaiong, ha kaba ki kam saiñ pyrthei ki nang jur ha kylleng ka thaiñ ba shong ki riewlum jong ka Tripura.
Hadien ba ki la rung sha ka BJP, ki nongïalam kiba la phet seng ki la kynnoh ïa ka jingbamsap hapoh ki nongïalam jong ka TIPRA Motha.Ki la kam ba ka jingtreikam hapoh jong ka seng ka ailad tang khyndiat eh ïa ki ban noh synñiang kaba don jingmut sha ka jingpynroi ïa ki jaitbynriew trai ri trai muluk.
Ka jingrung jong ki nongïalam kiba bat ïa ki kyrdan kiba heh hapoh ka TTAADC la khmih lynti ba kan pynskhem ïa ka jingkyrmen jong ka BJP ha ki elekshon ban wan, katba kan pyndap ïa ka jingïakhun kaba thymmai ha ka saiñ hima sima kaba nang kiew ha ki jaka riewlum.
, ka TIPRA Motha ka la mad ia ka jingphet seng jong ki nongialam ba hakhmat jong ka sha ka seng Bharatiya Janata Party (BJP) ha ka sngi Ba-ar.){kind=link}