Agartala, Nailur 08 : Ki Pulit ka Jylla Tripura kila ioh kem ia 7 ngut ki Rohingya kynthup ia 2 ngut ki kynthei bad 10 ngut ki nong Bangladesh na kylleng ki jaka jong ka Jylla ha ki 24 kynta bala leit noh.
Kat kum ka jingong ki Pulit, uwei u nong India uba iarap pynrung ia kine ki nongwei ula shah kem lang ha kane ka jingjia.
U Heh Pulit u pyntip ba 4 ngut ki nong Bangladesh kila shah kem na Dharmanagar ha North Tripura District kaba don ha khappud ka Assam.
Ki 7 ngut ki Rohingya kila shah kem ha ka miet sngi Thohdieng hadiem ba ki Pulit kila buh ia ka khyrdop talasi ha ryngkat ki shipai BSF ha Amtali,kaba don ha khapsor. Ia kane ka khyrdop la buh hadien ka jingioh khubor ia ka jingiaid lynti jong kine ki briew.
Katba 6 ngut ki nong Bangladesh bad uwei u nong India ba iarap pynrung beain na khappud, kila shah kem ha ki Pulit na Karbook kaba hap hapoh ka Gomati District ha ka miet sngi Thohdieng.
Kat kum ka khubor, ha kine ki 3 bnai balaleit, palat 332 ngut ki nong Bangladesh bad 41 ngut ki Rohingya kila shah kem ha ki Pulit ka Tnad Railway, ki BSF bad ki Pulit ka Jylla Tripura na kylleng ki jaka.
