Agartala, Naitung 10: Ki Pulit ka Kumarghat Police Station, kila ioh ban kem ia 3 ngut ki kynthei Rohingya bad arngut ki Khynnah kiba la wan rung tuh na Bangladesh.
Kine ki Rohingya ki dei kiba thmu ban leit sha Kashmir da ka rel lyngba ka West Bengal, ong ki Pulit.
Kane ka jingjia kala jia ha ka Sngi U Blei hadien ba u Inspector Sankar Saha, Officer-in-Charge ka Kumarghat Police Station, ula leit ban khynra hapoh ka Kumarghat Rail Station kaba don ha Unakoti District, Tripura halor ka jingioh khubor syntiat. Ki Pulit kila ioh bat ia kine ki Rohingya ba wan na Bangladesh.
Ha ka jingtohkit, kine ki Rohingya kila phla bad kila wan rung sha India khlem kino kino ki kot ki sla lyngba ka thain Tilla Bazar kaba don ha Kailasehar ha kane hi ka step. Kine ki briew ki thmu ban leut sha Sealdah ha West Bengal bad nangne ki don jingthmu ban leit sha Kashmir.
Kine ki briew ki dei kiba la tip kyrteng da ka Anjuma (26), Ayesh Begam (22) bad Nunaha (20) bad kine baroh ki dei kiba phet naka Rohingya refugee camps kaba don ha Cox Bazaar.
Pule lang ia kane: Assam : Pyntip u Myntri ban pynduh jait noh ia baroh ki skul bad ki Nonghikai rngai
