Agartala, Nohprah 19: Da ki spah ngut ki samla trai ri trai muluk ha ryngkat bad ki samla pule ha ka sngi Thohdieng kila ia lum paidbah shabar jong ka Bangladesh Deputy High Commission kaba don ha Agartala, ban pyrshah jur ia ka jingbyrngem bad ka jingpynjah burom u Hasnat Abdullah — uba dei u nongialam na Bangladeshi jong kawei ka party kaba dap shu dep seng shen-ka National Citizens Party (NCP).
Ia kane ka jingialum paidbah la pynlong da ka Youth TIPRA Federation (YTF), kawei na ki khyn jong ki samla trai ri trai muluk kiba la pynlong ia ka jingiakhih ban pyrshah jur pyrshah ia ka jingkynthoh jong u Abdullah da kaba kam ba lada ka India ka pyrshang ban pynthut ia ka Bangladesh, ka Dhaka kan jubab kylla da kaba siew kylliang ban pynia khlad ia ki jylla jong ka thain shatei lam mihngi.
U Abdullah, u convener barim jong ki samla pule pyrshah ïa ka jingshah lehbeiñ — ka jingïakhih kaba la ïalam ïa ka jingïakhih jong ki samla pule–paidbah ha Bangladesh ha u snem 2024 — mynta u dei u Chief Organiser jong ka NCP na ka bynta ka thaiñ southern region.
Ki nongïalam ka YTF ki la ong ba ka jingïakhih ha ka sngi Thohdieng ka la pynlong ïa ka TIPRA Motha bad ka youth wing jong ka bad tang ma ka ka seng saiñpyrthei ha ka thaiñ Shatei Lam mihngi ban ïakhih paidbah hajan kawei ka mission jong ka Bangladesh naduh ba la mih ki jingkren u Abdullah.
Haba kren ha kane ka jingialang, u President jong ka YTF u Suraj Debbarma u la ong, ba ki pateng ba dang rit ha Bangladesh i kumba ki la klet ba la seng ia kane ka ri da ka jingkyrshan jong ka India bad ka jingaiti lut jong ki shipai India ha ka thma pyllait luid ha u snem 1971.
“Mynta,ki pyni ia ka India kum ka nongshun jong ki, bad kane ka long kaba kaba sngewsih”, u la ong.
U Debbarma u la pynpaw ruh halor ka jingkynthoh mynshwa da u Bangladeshi Army officer barim ha kaba ïadei bad ka jingpyn tlod ia ka thaiñ shatei lam mihngi jong ka ri India, kaba dang ïasoh bad ka ri tang lyngba ka lynti ba khim na Siliguri.
U la ong ba ka jingiakhih ka long kum ka jingpynkynmaw ba ka thain shatei lam mihngi ba kam don lad ban leit sha duriaw, da kaba maham ia ka Bangladesh pyrshah da ki kam kiba lah ban “pynbor ia ki jingkynthoh na ki paidbah Tiprasa.”
U heh jong ka YTF kham ha shwa jong mynta u snem u la ïalam ïa ka jingïakhih kaba heh ha khappud India–Bangladesh ha South Tripura Belonia, da kaba ong, ba kadei ka jingtei be-aiñ ïa ka kynroh da ka Bangladesh ha shilynter jong u pud ka international boundary.
Na ka liang u Debbarma u la kyntu ia ka sorkar kmie ban pyntikna ia ka jingiada kaba tyngeh ha shi lynter jong ka 4,000-km-l jong ka jingjngai ha kaba iadei bad ka khappud India–Bangladesh bad u la ong ruh ban ai bor ia ki trai ri trai muluk ia ki lad jingiada lada donkam.
Haba pynpaw ïa ka jingsngewkhia halor ka general election ka ban sa wan jong ka Bangladesh kaban sa long ha u bnai February, u la maham ïa ka jingbym shong shngaiñ kaba lah ban mih bad kynnoh ba ka sorkar ba shipor ba la ïalam da u Muhammad Yunus kadei kaba kynshoit bad ai ding na shabar.
Shuh shuh u la maham ba ka jingbteng jong ka jinglehpyrshah bad ka jingkynnoh bein pyrshah ïa ki jaitbynriew rit paid, khamtam ïa ki jaidbynriew trai ri trai muluk ha Bangladesh, “yn ym lah ban iai shah.”
“Ngi iakhih da kaba suk mynta ka sngi, hynrei ki paidbah jong ka Tiprasa kin nym shu sngap jar jar ban long tang kum ki nongpeitkai lada kum kine ki kam ki dang iai bteng”, u la ong.
Ki nongïakhih ki la pyrta ruh ïa ki slogan pyrshah ïa u Muhammad Yunus hynrei la khanglad da ki bor pahara kiba jur ban leit shajan ka phalor jong ka Deputy High Commission.
Ia kane ka rally la pynkut noh da kaba ia pyrta shla “Long live India,” “Long live Northeast,” bad “Long live Tripura,” katba ki bor pahara ki dang peitngor bha ia ka jinglong jingman.
.){kind=link}