Agartala, Nailur 22: Ki paidbah nongkyrshan jong ka Tipra Motha kila shah kynnoh ba kila leit thombor ia ka jingialang ban sam jain kaba la pynlong da ka BJP Shimna Mandal ha kawei ka iing shnong ne ka community hall.
Katkum ka reports, uwei u heh nongialam ka BJP u Mangal Debbarma u la mynsaw na ki bynta jong ka jong ka khlieh, katba kiwei pat ki nongtrei ka party bad u wei u nongthoh khubor, uba wan lum ia kane ka khuor u la shah shoh bad shah thombor.Ia kane kiba la mynsaw la pynkit noh sha GB Pant Hospital ha Agartala ban ioh ia ka jingshah sumar.
“Ha katei ka jingialang ban sam jain, la khmih lynti ban ia don lang ruh da u Myntri Rangbah barim bad uba dei ruh u MP ka West Tripura u Biplab Kumar Deb, hynrei kala mih noh kane ka jingklumar ha shwa ba un wan poi, ong ki nongtrei ka BJP.
Haba kren sha ki lad pathai khubor, u Mangal Debbarma u la ong ba u la wan poi kham kloi ha katei ka jaka na ka bynta ban pynbeit bad ban pyniaid ia ka jingpynkhreh hynrei kynsan kynsan la wan mih ka kynhun ha hall bad la thombor ia ki nongtrei ka BJP.
Shuh shuh u Debbarma u la kynnoh ba kitei ki nongthombor kidei ki nongkyrshan jong ka Tipra Motha, bad wat ban ithuh iaki katto katne ki nongialam shnong kiba la kynnoh ba ki don ha katei ka jaka.
“Ka Tipra Motha, ka BJP bad ka IPFT ki dei ki paralok ba iatreilang ha ka sorkar jylla.Watla katta ruh, ia ngi ym shym la shah ban pynlong ia ki prokram sain pyrthei ha ki jaka ba ki don.Ki nongtrei jong ngi ki la shah shoh bein ha khmat jong nga hi,” u la ong.
