Shillong, Rymphang 26: Ka Myntri ka kam rep Kong Ampareen Lyngdoh ha ka sngi Nyngkong, kala pyntip ba tang 44 tylli ki Cold Storage ki dei kiba treikam hapoh ka Jylla napdeng ki 50 tylli kiba don.
Haba jubab ia ka jingkylli ba wanrah da ka MLA ka TMC na Ampati, ka kong Ampareen kala iathuh ba 8 tylli ki cold storage ki dei kiba don ha East Khasi Hills, 3 West Khasi Hills, 1 Eastern West Khasi Hills, 1 South West Khasi Hills, 8 Ri Bhoi, 7 West Jaintia Hills, 3 East Jaintia Hills, 5 East Garo Hills, 5 West Garo Hills, 6 North Garo Hills, 1 South Garo Hills bad 2 South West Garo Hills.
Ka pyntip ba ki cold storage ha Mawiong bad Garobada kim shym la treikam satia bad ka kaiphod bala aiti sha ka Tnad ka pynpaw ba kam iahap shuh ban pynim biang ia kine ki cold storage. Namar kata, ka Sorkar kala rai ban pynkylla ia kine ki cold storage kay kum ka jingiaid jong ka juk ba mynta.
Ka Garobadha Cold Storage kam shym la treikam shuh naduh u snem 2008 bad kito kiba shimwai ia kane ka cold storage kila ud namar ka jingduhnong kaba khraw ba rit palat ka bording.
Kat kum ka jingong jong ka, haduh 11,908 ngut ki nongrep kila ioh pyndonkam ia kine ki cold storage.
