Shillong, Lber 07 : U Myntri ka Tnad Labour Bah Shakliar Warjri ha ka sngi Thohdieng ula pyntip ba ka Ophis u Block Labour Officer, Laskein kam pat khang satia hynrei mynta ka treikam na ka Ophis u District Labour Officer, Jowai, West Jaintia Hills.
Haba jubab ha Iingdorbar, u Bah Shakliar ula ong ba ka daw ba rah ia ka Ophisu Block Labour, Laskein sha Jowai ka dei namar ka jingbym biang ka kor internet.
Ula kular ruh ba ia kane ka Ophis yn sa rah biang noh shen sha Laskein.
U MLA ka UDP na Mowkaiaw Bah Nujorki Sungoh haba pynpaw ia ka jingsngew halor kane ka rai, u kwah ban tip la ka daw ka lah ban dei namar ka jingjai tuh ki nongtrei ban wan sha Nongkyndong.
Ula ai jingmut ruh ia ka jingdonkam ba ka Sorkar kan pynkhlain ia kum kine ki Ophis khnang ba ki Nongbylla kin ym donkam ban wan shaduh kaDistrict Headquarter ban leh registration.
Halor kane, u Bah Shakliar ula ong ba ka Tnad kan sa wanrah ia ka jingtyrwa ban pynbun ia ki Block Office hapoh ka Jylla.
