Nongpoh, Nailar 28 : Ka bor jong ka jingduwai kam dei satia kaba lah ban batai bad baroh kiba la long Khristan ne niam tynrai, ki ngeit skhem ba ka jingduwai ha u Blei Nongbuh Nongthaw, ka dei ka dawai bah ban pynkoit ia kano kano ka jingpang la ka dei ka jingpang mariang ne jingshah leh sniew leh smeh ha ki nongshun ne nongbishni.
Ka jingduwai ka dei ka dawai bah bad kane kala paw shai na ka jingtrei borbah jong ka jingduwai ban pynkoit ia ki arngut ki Khynnah Kynthei na ka thain Byrnihat, kiba la kem pang kynsan kynsan hynne ka sngi Nyngkong.
Kawei ka jingjia kala jia ia ka Khynnah kaba dei ka Khun Swet bala ri da uwei u Rangbah uba dei u Kni. Kane ka khynnah kala kem pang kynsan kynsan hynne ka step bad poi sha u pud ka jingbym tip briew bad hashuwa ba kan iapler, kane ka khynnah kala iathuh ba don ki briew ba wan paw kiba la khot khun ruh ia ka bad kumta hi kala sdang ka jingialeh ban ksaid na kine ki briew.
La iathuh ba u Kni haba iohi ia kane ka jingjia, ula leit rah mar mar ia kane ka Khynnah sha Byrnihat Parish ban phah duwai kyrpang bad u Fr Kmenlang Nongrum ha ryngkat kiwei ki Nongsharai Balang, kila iapyndem ha ka jingduwai kaba la shimpor bha ban iakhun pyrshah ia kine ki briew ba bat ia kane ka Khynnah haduh ban da jop. Hadien kane ka jingduwai, kane ka Khynnah kala tip briew biang bad ioh pat ia ka jingkoit.
Hadien kane ka jingjia, sa kawei ka Khynnah na kawei pat ka shnong ka thain Byrnihat kala ngat ia ka jingpang Taro bad mar mar ki bahaiing hasem kila kit ia kane ka Khynnah sha kane ka juh ka Iingmane ban phah duwai bad kane ka khynnah ruh tang hadien ka jingduwai jong u Fr Kmenlang Nongrum, kala ioh pat ia ka jingkoit.
Haba iakren bad Ka Shlem, ki bahaiing jong kine ki Khynnah kila pynpaw ia ka jingkmen ba ki Khun jong ki, kila ioh pat ia ka jingkoit na kane ka jait jingpang kaba kynsha.
Ki bahaiing kila pynpaw iaka jingsngewnguh ia u Fr Kmenlang Nongrum bad ki Nongsharai ka Balang haba ainguh ia u Blei Nongbuh Nongthaw uba la sngap bad kner ia ka kti ban pynkoit ia kine ki khynnah.
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
