Nongpoh, Rymphang 29: U MLA ka Jirang Bah Sosthenes Sohtun lem bad lai tylli ki kompani, kila ting (adopt) ia 36 ngut ki nongpang TB jong ka them Ri-Bhoi bad ai ka jingkyrshan ia ki ba kin lait noh na kane ka jingpang.
Une u MLA bad kine ki kompani ba kynthup ia ka Shyam Ferrous Century Private Ltd, ka Maythan Alloy Private Ltd bad ka Pioneer Carbide Private Ltd hynne ka sngi Palei kila leit iakynduh biang ia kine ki nongpang bad ai ia ki jingbam tei met sha ki ba khlain ka bor met.
Ia katei ka prokram la pynlong da ka daka Ophis District tuberculosis Ophisar, Ribhoi ha Byrnihat PHC.
Haba ai jingkren u Bah Sosthenes u la ai ka jing khublei ïaki nongtrei ka koit ka khiah kiba ki la shimkhia ban wad ïaki riew shimet lane ki company shimet ban wan sha khmat ha ka ban ïa snohkti lang ban ïarap dakaba ai ïaki jingbam kiba tei met sha ki Nongpang TB.
U Bah Sosthenes ula ai ruh ka jingkhublei ïaki Lai tylli ki Company kiba la don bynta lang ban ïaleh pyrshah ban pynduh jait ïa kane ka jingpang TB.
U bah Sosthenes Sohtun ha kane ka sngi u la pynbna ruh ba un nang bteng biang ban kyrshan ïaki Nongpang TB dakaba ai ïa u Synniang kaba Hynriew phew Hajar tyngka sha ki bor ba dei peit ba kin pynbiang ïaki jingbam kiba tei sha ki 10 ngut ki nongpang naka bynta 6 bnai.
 ia 36 ngut ki nongpang TB jong ka them Ri-Bhoi bad ai ka jingkyrshan ia ki ba kin lait noh na kane ka jingpang.){kind=link}