Shillong, Lber 23 : Ki Pulit ka East Khasi Hills kila pynlong ia ka jingthwet kaba jur ia uwei u suba snar nongtuh kali, uba la phet rieh na ka kti ki Pulit hadien ki kam tuh kali na kylleng ki jaka ka nongbah Shillong.
Une u suba nongtuh kali u kyrteng u Cornalius Mukhim, khun I kong Pyndaplin Mukhim, ba shong ba sah ha Mawlai Mawroh, Shillong.
Kat kum ka kyrwoh na u Superintendent of Police ka East Khasi Hills Bah Vivek Syiem, u Cornalius u dei uba shah thwet na ki kam tuh kali ha ki jaka ba hap hapoh ka Laitumkhrah Police Station, Rynjah Police Station bad Sadar Police Station.
U SP ula phah jingthoh ruh sha baroh ki Officer Incharge ki Police Station bad ki Incharge jong ki Beat House/ Outpost ka East Khasi Hills ba kin peitngor bad lada iohi, ki dei ban bat bad pyntip sha ka Ophis ba kan ioh leh ia kaba donkam.
