-->

Thung u DC ia ka Magisterial Inquiry ba twa ka kynroh jong ka PA Sangma Stadium

Date:

Share post:

Shillong, Jylliew 22 : U Deputy Commissioner ka West Garo Hills, ula thung da ka jingtohkit Magistrate (Magisterial Inquiry) halor ka jingkhyllem bad jingtwa jong ka kynroh ka madan ialehkai ha Purno A Sangma Stadium, Tura hynne ka step sngi Palei.

Kane ka kynroh kala twa kynsan kynsan hynne ka step hadien ka jingslap jur kaba la neh mynta la katto katne sngi bad ka khyndew na kane ka madan kala tuid laki laka bad taplup ia ka surok ba sha lyndet ka madan.

U Deputy Commissioner Jagdish Chelani, haba kren halor kane ka jingjia, ula ong ba ka dang kloi palat ban kren eiei halor kane ka jingjia.

Haba kren halor ki jingduna ha ka rukom pyntrei ia kane ka kynroh, ki tiar ba pyndonkam, u Chelani ula ong ba u Assistant Commissioner un sa khmih ia kane ka kam lyngba ka jingtohkit.

Ula ong ba tad hadien bala pyndep ia ka jingtohkit bad la aiti ia ka kaiphod, ka bor Sorkar ka lah ban leh eiei halor kane ka kam.

Ula ong ba kaba donkam mynta ka long ban pynkhuid shuwa ia ka khyndew na kane ka jaka ba twa haba pynpaw ruh ia ka jingkmen ba ym shym la don kano kano ka jingjia ba sngewsih lane ka jingpynjulor ia ki nongkynti ki briew.

Pule ruh: Dkut ka surok Nongstoin-Wahkaji ha Nongkynjang ba trei suki ka kompani na Russia

Share post:

-->
spot_img

Popular

More like this
Related

Vinoo Mankad Trophy | Watla ioh hattrick u Mewan, liem ka Meghalaya ha ka Sikkim da 3 wicket

Shillong, Risaw 09: U Mewankitbok Kharpuri u la ioh...

Bate kam u CEM ka KHADC ia ki 7 ngut ki EM 

Shillong, Risaw 09: U CEM ka KHADC Bah Winston...

Thung ka Sorkar ia ka SIT ban tohkit ia ka jingshah pyniap u Khynnah ha Nongrah

Shillong, Risaw 09 : U Symbud Myntri Rangbah ka...

Pynjari ka Meghalaya-Assam da ka korphiw miet ha khappud ka thain Lapangap

Shillong, Risaw 09: Ka Sorkar Meghalaya bad Assam, kila...