Shillong, Naitung 04 : Ka Tnad Meghalaya Police hynne ka sngi Ba-ar kala pyntip ba kala thung da ka kynhun Special Investigation Team (SIT) ba kan tohkit ia ka jingmih ka jingbthei ba iasyriem kum ka jingbthei bomb hynnin ka sngi Nyngkong ha Lumkynsai, Smit, kaba la shim ia kawei ka mynsiem briew.
U Superintendent of Police (SP) ka East Khasi Hills Bah Sylvester Nongtnger ula pyntip ba ia kane ka SIT yn khlieh da u Superintendent of Police (City) Bah Vivek Syiem.
U pyntip ruh ba ka tnad Pulit kala register da ka Suo-Moto FIR hapoh ka Madanrting Police Station halor kane ka jingjia.
Hynrei, u SP ula kyntait ban batai ia kiei ka daw kiba lam sha kane ka jingbthei haba ong ba ka tnad kan sa pyllait ia ka kyrwoh hadien ba ka SIT kala aiti ia ka kaiphod jingtohkit.
Lah ban kdew hangne ba ka jingbthei kaba jam bha kala jia ha kawei ka Ing ha Lumkynsai, Smit kaba hap hapoh ka Madanrting Police Station bad uwei u briew ba kyrteng u Pynsuklang Khongwir ula khlad hadien ha kane ka jingbthei.
La suba jur ba kane ka jingbthei ka lah ban dei na ka jingbthei ka tusok elektrik kaba la pynjulor ia katto katne ki kamra jong ka mala ba nyngkong kane ka Iing.
Hynrei u SP ha ka kyrwoh ba pyllait hynnin ka sngi nyngkong, ula pyntip ba ha ka jingtohkit ia kane ka jaka ba mih ka jing bthei, ki pulit kila iohtam ia ki lyngkhot lyngkhai kiba dei ki thymmei ba pynmih ia ka jingbthei. Ula pyntip ruh ba ka kynhun Bomb Squad bad ka CSU ki dang pynthikna ia ki daw jong ka jingbthei.
Pule ruh: Pynbah khlieh ka Raid Marwet ha u President ka HNYM lada mih jingiakynad pher Jaidbynriew
 ba kan tohkit ia ka jingmih ka jingbthei ba iasyriem kum ka jingbthei bomb hynnin ka sngi Nyngkong ha Lumkynsai, Smit, kaba la shim ia kawei ka mynsiem briew.){kind=link}