Shillong, Kyllalyngkot 30: Ka Kynhun Myntri hynne ka sngi Palei kala ai jingmynjur ban thung ia u Rtd Col Daryl Hopkins kum u Director jong ka Sainik Welfare Meghalaya.
Ia kane la pyntip da u Myntri Rangbah ka jylla u Conrad K Sangma hadien bala wai ka jingialang jong ka kynhun myntri ha kaba ula ong ba Selection Committee kaba la khlieh da u Chief Secretary u Bah DP Wahlang kala ai ia ka jingtyrwa da ka kyrteng jong u Rtd Col Daryl Hopkins ban shah thung na ka bynta katei ka kam.
Ula ong, ba u Col Hopkins udei u ophisar uba la rangbah tam napdeng jong kiwei pat kiba la aplai ia katei ka kam.
