Shillong, Jylliew 04: Ka Sorkar Jylla hynne ka sngi Balang, kala mynjur ban thung ïa u IAS ophisar barim Bah T Lyngwa kum u Chairperson jong ka State Social Audit Council.
Ia kane ka rai la mynjur da ka jingialang jong ka kynhun Myntri Sorkar bala pyniaid da u Myntri Rangbah ka Jylla Conrad K Sangma.
U Conrad u la ong ba ka jingjied ia u Chairperson jong ka Councils bad ia ki dkhot, ka long katkum ka jingai jingmut jong ka Committee ba la khlieh da Chief Secretary ka Jylla.
Ha kajuh ka por, ka kynhun Myntri Sorkar Jylla ka la mynjur ruh ban pynkylla ia ka Meghalaya Water Resources Engineering Service Rules.
