Shillong, Naitung 28: U Myntri ka tnat Social Welfare bah Paul Lyngdoh hynne ka sngi Thohdieng, ula pyntip ba ka Tnad kala thung iaka Search Committee naka bynta ban ithuh iaki briew ki ban shimti kum ka Chairperson, Vice Chairperson bad dkhot jong ka Meghalaya State Commission for Women (MSCW).
Haba kren sha ki lad pathai khubor u bah Paul ula iathuh ba ka Tnad kala dep ban pynmih iaka jingpyntip (Notification) bala thung iaka Search Committee haka 24 tarik mynta u bnai.
“Ia kane ka Search Committee yn khlieh da Commissioner and Secretary Social Welfare kum u Chairperson, Secretary Personal and AR Department, Director Social Welfare, Deputy Inspector General of Police (CID) bad Director of Health Services MCH kum ki dkhot” la ong u bah Paul.
U bah Paul ula iathuh ba ka tnat kala thung ruh iaki dkhot ki bym don haka sorkar (Non Official) ba kynthup ia ka Principal jong ka Lady Keane College Shillong, Principal jong ka Women’s College bad khlieh duh ka tnat pule Social Work jong ka Martin Luther Christian University kum ki Non Official.
Ula iathuh ba ka kamram jong kane ka Search Committee kadei ha ka ban wad bniah iaki longkmie ne ki kynthei kiba la shakri iaka bha ka miat ki longkmie bad haka juh ka por kiba kham tip kumno ban weng iaki jingeh ba ki longkmie lane ki riew kynthei ki kynduh.
“Ka Search Committee kan treikam haduh 3 snem naduh bala pynbna ba thylli ka shuki Chairperson bad dkhot hapoh ka MSCW bad bad kane ka Committee kan aiti iaki kyrteng shaka sorkar hashuwa ban thung Chairperson, Vice Chairperson bad dkhot hapoh ka MSCW” ula ong.
U bah Paul ula ong ba katkum ka riti treikam jong ka jingpyntip (Notification), ka jingthung Chairperson, Vice Chairperson bad dkhot hapoh ka MSCW kan long kaba khuid ba suba bad dei namar kane la kynthup lang iaki stad pule (Educationist) ban pynthikna ba kan nym don kano kano ka jingleh politik haka por thungkam.
 ba kynthup ia ka Principal jong ka Lady Keane College Shillong, Principal jong ka Women's College bad khlieh duh ka tnat pule Social Work jong ka Martin Luther Christian University kum ki Non Official.){kind=link}