Shillong Jylliew 26: Ka sorkar jylla kala hukum ban thung iaka jingtohkit da u Majistor ne Magisterial Enquiry ha kaba iadei bad ka jingkhyllem ka kynroh maw ka Football Stadium jongka PA Sangma Sports Complex, West Garo Hills District.
“Katkum ka jinglap jong ka jingtohkit kaba mardor, kam dei than kata ka jingjia kaba heh bah hynrei ngin ym khein sting kumta kan don ka Magisterial Enquiry bad yn leh ruh iaka Safety Audit ban pynthikna ba dei ban khmih bniah ia baroh ki bynta” ong u Myntri Rangbah ka jylla u Conrad K Sangma hynne ka sngi.
“Lada ngi lap eiei ha ka magisterial inquiry da kaba pynshong nongrim ia katei ka jinglap ngin sa shim ia ka rai bad kumno ngin leh nangne shakhmat” ong u Conrad.
Ula iathuh, ba kiwei kiwei ki jingtei ha katei ka Sports Complex kim shym la shah ktah eiei na katei ka jingtwa khyndew.
“Kam don kano kano ka jingbakla bad ka Stadium bad kam shym la julor watla kala don ka jingther jong u lapbah lapsan bad ka jingshlei um, kam shym la don kano kano ka jingjulor jong ki jingtei. Kala don ka kynroh kaba jrong 40 meter hynrei kaba la twa ka long tang 10 meter” ong u Myntri Rangbah.
“Ngi la dep ruh ban pynshai baar tylli ki nala kiba ka um kadei ban tuid kawei kadei ban tuid sha surok bad kawei kadei ban tuid sha ka jaka tei iaka Stadium kaba kot T.70 Klur, hynrei kitei ki nala ki set bad sahkut ha kaba ka um kaba lang ha ka bynta ba don ka kynroh. Kane kadei na ka jinglap ha ka jingkhmih bniah kaba mardor kaba ngi la ioh pdiang hynrei ngin ap iaka kaiphod kaba pura naka jingtohkit” ong u Conrad Sangma.
Pule ruh: Pynlong ki Longkmie ka NPP da ka jingiakop tai nia hapdeng ki samla halor ki jingktah u droks
