Shillong, Nohprah 04 : Ka National People’s Party (NPP) kala thung ia u Lamphang barim ka Iingdorbar Thaw Ain ka Manipur Irengbam Hemochandra Singh kum u National Vice President ka Party na ka bynta ka samoi treikam 2025-2028.
Ia kane la pyntip da u National President bad Myntri Rangbah ka Jylla Conrad K Sangma ha ka jingpynbna bala pynmih ha ka sngi Palei.
U Singh la rung sha ka jylli sain pyrthei hadien jong u Kpa (L) Tompok Singh uba la khlad noh khlem dei por namar ka jing hap ka liengsuin ha u snem 1991. Ula shah jied kum u MLA na ka constituency u Kpa ha ka rta ba 26 snem bad ula jop haduh 5 tylli ki elekshon Assembly ka Jylla.
Ha ka jubab sha u Conrad, u Singh ula pynpaw ia ka jingsngewnguh ia ka jingai jingshaniah ha u bad ong “Nga pynpaw ia ka jingsngewnguh naduh ka mynsiem ia ka jingshaniah bad ka jingburom ba phi lah ai ha nga da kaba tyngong ha nga ia ka jingkitkhlieh ban shakri kum u National Vice President ka NPP”.
U Singh ula pynthikna ia ka jingkut jingmut ban shakri kat kum ki jingthmu bad ki thong jong ka party haba ong “Nga pdiang ia ka jingkitkhlieh bad pynskhem ia ka jingaiti jong nga ban trei hok bad aiti pura sha ki thong, ki mishon bad ki mat treikam jong ka party”.
Ula ai burom ruh ia u nongseng bala khlad noh ka NPP, PA Sangma bad ong “Nga ai ka jingburom bad ka jingsngewsuh kaba khraw ia u (L) PA Sangma, uba ka jingmut jingpyrkhat, ka jinglong nongïalam, bad ka jingaiti lut jong u sha ki paidbah ka thaiñ Shatei Lammihngi ka dang ïai bteng ban ai mynsiem ïa ngi baroh.”
 kala thung ia u Lamphang barim ka Iingdorbar Thaw Ain ka Manipur Irengbam Hemochandra Singh kum u National Vice President ka Party na ka bynta ka samoi treikam 2025-2028.){kind=link}