Shillong, July 24: Ka Khasi Hills Autonomous District Council (KHADC) kala shim ia ka sienjam ban pynthikna ia ka jingthungkam kaba leh haba shit haba shai bad ba khuid ba suba da kaba thaw ia ka Recruitment Committee kaba don ia ki 3 ngut ki dkhot.
Ia kane ka rai la shim da k Executive Committee ha ka jingialang kaba la long ha ka Sngi Palei.
Haba iakren bad ki nongpathai khubor u Executive Member Bah Powell Sohkhlet ula pyntip ba ia katei ka Committee yn khlieh da u IAS ophisar uba la shongthait Bah W Khyllep bad yn kynthup ia u Prof LS Gassah na ka skulbah NEHU u riewshemphang ha kaba iadei bad ka Sixth Schedule bad u Dr PS Nianglang, u ophisar uba rim uba don ia ka jingshemphang ha kaba iadei bad ka Service Rules. Katba u Joint Secretary ka KHADC un long kum u Member Secretary.
Ula ong ba ka jingthmu kaba hakhmat jong ka committee ka long ban pynthikna ba kan don ka jingkhuid jingsuba ha kaba iadei bad ka jingthungkam da kaba phah ia ki jingbthah na ka bynta ban pynlong ia ki eksamin bad ka Interview.
“Ka committee kan khmih ruh ia ki Service Rules kiba la don lypa, kiba la don mynta la bun bun snem bad ban phah ia ki jingtyrwa bad jingai jingmut sha ka council,” ong u Bah Sohkhlet.
Nalor kane u EM ula ong ruh ba ka Recruitment Committee kan treikam ruh kum ka kynhun kaba laitluid, kaban lait na kino kino ki jingtuklar ban pynthikna ia ka jingbym shah liang bad ka jingkhuid jingsuba ha kaba iadei bad ka jingthungkam.
U Bah Sohkhlet ula ong ba ka Recruitment Committee kan peit ruh ia baroh ki jingthungkam hapoh ka Council bad kan dei ka kynhun kaban neh shirta. Shen yn sa pynmih ia ka jingpynbna paidbah ia katei ka Committee ryngkat bad ia ki kyndon treikam ki jong ka bad la khmih lynti ba kan wanrah ia ka jingkhuid jingsuba bad ka jingshai kdar ha kaba iadei bad ka jingthungkam thungjam hapoh ka KHADC.
 kala shim ia ka sienjam ban pynthikna ia ka jingthungkam kaba leh haba shit haba shai bad ba khuid ba suba da kaba thaw ia ka Recruitment Committee kaba don ia ki 3 ngut ki dkhot.){kind=link}