Shillong, Nohprah 10: Ka kynhun Myntri ha ka sngi Nyngkong, ka la mynjur ia ka jingtyrwa ban thung biang ia ka Kong B Giri kum ka Member Judicial jong ka Meghalaya Human Rights Commission (MHRC).
Haba kren sha lad pathai khubor, u Myntri Rangbah ka Jylla u Conrad K Sangma u la ong ba ka por treikam jong ka Member Judicial ka Meghalaya Human Rights Commission ka la kut noh.
“Ka Kong B Giri ka la long ka dkhot judicial. La thung ia ka na ka bynta san snem. Ka la don 67 snem ha ka rta. Kumba ki kyndon ki ailad ia ka ban bteng haduh 70 snem, ngi la rai ba ngin thung biang ia ka kum ka Member Judicial jong ka MHRC” u la ong.
.){kind=link}