Shillong, Naitung 01 : Uwei u rang Khasi ula mynsaw jur na ka jingshah thombor ha ka kynhun ki Karbi ha ka sngi Ba-ar ha Lumlakhiat, Block-I.
Une u rang Khasi u dei na ka shnong Lapangap bad la tip kyrteng ia u da u Bah Linus Joit.
Kat kum ka khubor, kine ki kynhun Karbi kila ap thap ia une u rang Khasi katba u dan wan phai sha Iing na ka shnong Lumlakhiat da ka Bicycle.
Ka kynhun ki Karbi kiba don kumba 50 ngut eiei, kila siat da ka jri bad lun maw ia u Bah Joit hashuwa ba kin phet krad na katei ka jaka.
La iathuh ba ha kane ka jingsiat jri, u maw ula shei na ka shyllang une u rang bad na rymmiang shyntur.
Ia u Bah Joint la pynkit noh mar mar sha Namdong CHC ban pyntah dawai.
