Shillong, Naiwieng 09: Ka National People’s Party (NPP) kala pynbna ia ka thup kyrteng jong ki Nongkitkam ka State Executive Committee (SEC) ka Meghalaya NPP hapoh ka jingialam u Bah Prestone Tynsong kum u President, uba la thung ruh haduh laingut ki Working President ka party.
Une u President ba thymmai ka NPP Meghalaya bad Symbud Myntri Rangbah ka Jylla phah hynne ka sngi Palei, ia ka thup kyrteng jong ki Nongkitkam ka Meghalaya NPP sha u National President bad Myntri Rangbah ka Jylla Conrad K Sangma, uba la ai ia ka jingmynjur.
Kat kum kane ka thup, u Bah Prestong ula thung ia laingut ki Working President-kine ki dei u Myntri Sorkar Marcuise N Marak, MLA ka Jowai Wailadmiki Shylla bad MLA barim ka Mylliem Bah Hamletson Dohling bad lai ngut ki Vice President kata u Symbud Lamphang Timithy D Shira, Myntri Sorkar Comingone Ymbon bad u MLA ka Jirang Bah Sosthenes Sohtun.
Kane ka thup ka kynthup ruh ia 6 ngut ki General Secretary bad kine ki dei u Dr. Charles Reuben Lyngdoh (in-charge Administration), Prof. Donkupar War (in-charge Organization), Forward L. Mawlong, lan Botham K. Sangma, lem bad u MLA, JD Sangma bad Abdus Saleh.
Ki Secretary ki don haduh 21 ngut bad kine ki dei u Bah Samlin Malngiang, Kupar Blah, Mebanri Laloo, Dr David A. Kharchandy, Ransom Sutnga, Jason Sawkmie Mawlong, Teibor Pathaw, MDC (in-charge Media Cell), Auspicious L. Mawphlang, Kimfa Marbaniang, Emlang Lyttan,Embhahlang Syiemlieh, Raynold Kharkamni, Barfi Toi, Sengchim N. Sangma, MLA, Subir R.Marak, MLA, Charming N. Sangma, Aloysius Marak, Nidhuram Hajong, Limison D Sangma MLA, Rakesh A Sangma, MDC bad Crozier G Momin, MDC.
Kat kum kane ka thup, u Bah Daniel Thangkhiew ula shah thung kum u Treasurer jong ka SEC ka Meghalaya NPP.
Baroh ki MLA, chairman, deputy chairman, CEMs, deputy CEMs of ADCs, state president women’s wing, president youth wing kin dei ki executive members katba Babeth K Sangma bad Nihim D Shira kin dei ki advisers jong ka party.
Ha kajuh ka por, u MLA barim ka Mawsynram Bah Himalaya M Shangpliang ula shah thung kum u nongaiktien ka NPP.
