Shillong, Rymphang 13: Ka North Easter Hill University Non-Teaching Staff Association (NEHUNSA) kala kyntu ia u Myntri ka Sorkar Pdeng ba khmih ka ka pule puthi Dharmendra Pradhan, ba un shimkhia mardor ban pynbeit ia ki kynrum kynram kiba la sahteng hapoh ka University.
Ha kyrwoh khubor ha ka sngi Palei, u President ka NEHUNSA u Dr Wandondor Rynjah Synrem ula ong, “Da ka jingsngew khia kaba jur halor ka jinglong jingman ha North-Eastern Hill University, sa shisien ka NEHUNSA kala phah ia ka jingthoh sha u Myntri ka sorkar pdeng ba un wad ia ki lad ki lynti ban pynbeit noh ia ka kynrum kynram ha NEHU.
“Ia ka North-Eastern Hill University la seng ban ai iaka jinghikai ha ki kyrdan kiba heh na ka bynta ki paidbah ka thain. Ka jingthmu ka long ban kyntiew ia ka thain bad ia ka rukom im, ka ban kyntiew ia ka jylla bad ia ka ri ruh” ula ong.
Ula pynpaw ruh ba ka University kan ym lah ban treikam khlem da don ia ka bor kaba khmih bad ia ka jingtreikam kaba man la ka sngi ha ka ophis jong ka skulbah.
“Ka Non-Teaching Employees jongka University ka don ia ka bynta kaba khraw ha ka jingpyniaid ia ki kam jong ka skulbah khamtam haba ki nongtrei ki bym dei ki nonghikai, ki dei kiba donbynta ha ka jingpdiang ia ka jingwan pule jongki samla pule, ban rejistar ia ki samla pule, ban pynkhreh ia ka scholarship/fellowship, ban pynlong ia ki eksamin bad kiwei kiwei. Ki kam ki jam kiba man la ka sngi jong ki nongtrei bad ki nonghikai kadei ruh ka kam kaba pynpeit da ki nongtrei ki bym dei ki nonghikai” ong u Dr Synrem .
“Kumba la kdew ha ka shithi kaba ngi lah phah nyngkong, ka kam jong ki nongtrei ki bym dei nonghikai kala hiar bha kaba la poi shaduh uta u pud ba kala ktah ia ka jingtreikam kaba man la ka sngi ha ka skulbah. Ngi lah dep kdew ruh, ba lah dep ban ai ia ka jingpynbna ha kaba iadei bad ki kam nonghikai kiba lait hynrei kala don pat ka jingsahteng ha ka jingthungkam” ula bynrap.
Ka NEHUNSA kala kyntu ruh ia u Myntri ka sorkar pdeng ban bthah ia u Acting Vice Chancellor ban pyndap noh ia kitei ki kam kiba thylli ha ka University.
“Une u Acting Vice-Chancellor ym shim la bat ia kano kano ka kyrdan ha ka Executive Council meeting kaba long kaba kongsan bha na ka bynta ki jingpynbna laitkam nonghikai kiba dei ban pyndap noh mardor. Kum ki dkhot kiba don ia ka jingsngewkhia, ngi kyrpad ba phin bthah ia u Acting Vice Chancellor ban leh ia kaba donkam” la ong u Dr Synrem.
 kala kyntu ia u Myntri ka Sorkar Pdeng ba khmih ka ka pule puthi Dharmendra Pradhan, ba un shimkhia mardor ban pynbeit ia ki kynrum kynram kiba la sahteng hapoh ka University.){kind=link}