Thoh ka HSPDP sha ka Sorkar MDA ban sdang biang ia ka jingiakren pynbeit pud

Shillong Nailar 14: Ka Hill State People’s Democratic Party (HSPDP) hynne ka sngi Balang, kala kyntu ia ka sorkar Meghalaya Democratic Alliance (MDA) ban iakren bad ka sorkar Assam ha ka ban sdang noh biang ia ka jingiakren pynbeit pud u sam ha ka wat ka ba-ar hapdeng kine ki artylli ki jylla.

Ha ka shithi kaba la aiti aha u My tri Rangbah ka jylla u Conrad K Sangma ha ka jingiakynduh, u President ka HSPDP u Bah KP Pangniang ulanong, “Ka seng ka pynpaw ia ka jingsngewnguh ia ka jingrai rangbah ka sorkar MDA hapoh ka jingialam u Myntri Rangbah ba ki 6 tylli ki jaka kiba don hapdeng ka kynrum.kynram u pud u sam ki bym shym la lah ban pynbeit la bun phew snem la lah noh ban pynbeit ha u snem 2022 bad kaba sah mynta ka long sa ban pynbeit ia ki 6 tylli ki jaka kiba don ha khappud ha ka wat ka baar.

“Ka HSPDP ka kyntu ia ka sorkar ban sdang biang ia ka jingiakren pynbeit pud ha ka wat ka baar bad ka jylla Assam da kaba leh noh mardor ia kane ka kam. Ka seng ka sngewnguh ia ka sorkar MDA kaba la shimkhia ban pynbeit ia kane ka ishu kaba la sahteng la bun phew snem ia kanjingiakajia pud hapdeng ka Assam bad Meghalaya” ula ong.

Haba iakren bad ki nongthoh khubor, u Bah Pangniang ula ong, ba u Myntri Rangbah ula pynthikna ia kankynhun jongka HSPDP ba yn shimkhia noh mardor bad ka sorkar ban sdang noh ia ka jingiakren pynbeit pud. Ula ong ba u Myntri Rangbah ka jylla yn sa leit iaky duh ia u Myntri Rangbah ka Assam hashwa ban sdang ka Dorbar Synrai ka jylla.

Nalor kane, ula pyntip ba lah dep ban thaw ia ki regional committees da ki artylli ko sorkar jylla bad ka bynrap ba u Deputy Commissioner ka West Khasi Hills ula dep lum ia ka jingialang jong ka regional committee bad kila long kiba la pynkhreh ban aiti noh ia ki kot ki sla sha ka jylla Assam ha ka jingialang kaban wan.

Lah ban kdew hangne ba ka regional committee jong ka West Khasi Hills la khlieh da u Myntri ka sorkar jylla u Bah Paul Lyngdoh kala iengskhem ba ki 54 tylli ki shnong kiba hap ha ka Langpih Sector ki long kiba khlain bha.