Shillong, Naitung 04: Uwei u rangbah ba niah auto rickshaw, ula pyrshang ban dkhat jubor iala ka jong ka jingim hynne ka sngi Ba-ar da kaba thmu ban noh nalor ka jingkieng Damsite hynrei la ioh bat noh ia u da ki Pulit ba ap pahara ha kane ka jingkieng.
Kane ka jingjia kala jia ha ka por 12 baje shiteng sngi, ong ki Pulit kiba pyntip ba une u briew (bala buhrieh kyrteng )u dei na ka Shnong Umsamlem, Ri-Bhoi District.
Kat kum ka jingithuh ki Pulit, une u briew ula wan marwer da ka Auto Rickshaw ha kane ka jingkieng bad ula tur sha ki jing ker hynrei ki Pulit pahara haba iohi ba une u rangbah u iam, kila mareh bad ioh bat ia u noh ha ka por ba u dang thmu ban noh.
Ki Pulit ki iathuh ba une u briew ula phla ba ka daw ba u mut shim ia kane ka sienjam ka dei tang namar ka jingshet kylla ka lok. Ia une u briew la aiti noh sha Umiam Piolice Station bad la pyntip ruh sha ki bahaiing hasem ba kin wan shaw noh ia u.
Pule ruh:Â Sdien phasi u pulit pahara ka District Jail, Mawsyntai
