spot_img

Thmu ka Sorkar ban wanrah ain thymmai ka ban tem ia ka jingrung ki briew nabar sha Jylla

Date:

Share post:

Shillong, Nailar 07 : Ka Sorkar Jylla ka don ia ka jingthmu ban wanrah ia ka ain thymmai ka ban tem ia ka kam ba iadei bad ka jingwan rung kyrthep ki briew ba nabar sha Jylla, haba mad ia ka jingeh ha ka jingpyntreikam ia ka Meghalaya Residents Safety and Security Act (MRSSA).

U Myntri Rangbah ka Jylla Conrad K Sangma ula ong ba ka Sorkar ka dang pynkhreh ia ka lynti kaba khlain ban peitngor ia ka jinglong jingman, haba shimkhia ia ki kam kiba iadei bad ka jinglong jingman ka shongsuk shongshngain bad ki jingjia kiba jia ha Assam bad ha Bangladesh.

“Haba iadei bad ka kam ban peitngor ia ka jinglong jingman halor ka jingwan rung ki briew shapoh ka Jylla bad kiba mih na Jylla, ka dei ka kam kaba sngewkhia haba puson ia kiba bun kiei kiei, ki jingjia kiba jia ha Assam, ki jingjia kiba jia ha Bangladesh. Kumta haba phi khmat ia ka rukom long ka shong suk shong shngain, ka long kaba kongsan ia ngi ban wanrah da ka ain kaba khlain bha” ong u Conrad haba iakren bad ki nongthoh khubor ha ka sngi Palei.

U Myntri Rangbah ula ban jur ba ka Sorkar kan sa khot iakren ia ki kynhun bapher bapher hashuwa ban sam ia ki jingtipba bniah bad ki paidbah.

“Ngi la mad ia katto katne ki jingeh haba phai sha ka MRSSA. Kumta, haba pynshong nongrim na ki jingiakren bad ka Tnad Ain bad kiwei kiweiki briew bad ruh ka jingiasyllok bad ki Myntri Sorkar bad ki Heh Ophisar, ngi la pyrshang ban leh eiei. Nga sngew ba ka dang kloi palat ia nga ban ai ia ki jingtip kiba bniah halor kane. Ngin sa khot iakren ia ki kynhun bapher bapher bad ngin sa sam ia ki jingtip bad ki paidbah” ula ong.

U Conrad dang shen ula pyntip sha u Myntri kam Pohiing ka Ri halor ka jinglong jingman ha ki jaka khappud ka Assam bad Meghalaya bad ruh ha khappud ka India-Bangladesh, haba pynpaw ia ka jing kongsan ban don ki lad jingiada napoh iing lajong.

“Nga la pyntip ia u Myntri kam Pohiing ka Ri halor ka jinglong jingman ha ki jaka khappud ka Assam bad Meghalaya bad ruh ia kaei ka jinglong jignman ha khappud ka India bad Bangladesh. Na ka kam shongsuk shongshngain, hooid ula don lut ia ki jingtip kiba wan sha u na ki bor syntiat hynrei kum u Myntri Rangbah ka Jylla, ka dei ka kamram jong nga ban pyntip sha u ia kaei kaba jia bad ki lad jingiada bala shim ha Jylla” ula pyntip.

Share post:

spot_img
spot_img

Popular

More like this
Related

Da ka 10K I-Day Run 2025, yn pynlong ka ophis u SDO Sohra la 15 tarik

Shillong, Nailar 7: Ka office jong u Sub-Divisional Officer,...

Nagaland | Pyrshah jur ki kynhun riewlum ki Naga ia ka rai ka Sorkar halor ka bhah thungkam

Kohima, Nailar 7: Ka five Tribes Committee on Review...

Pynkylla ka Sorkar ia ka Excise Rules ban pyrrkhing ia ka jingshet kyiad pyrsi

Shillong Nailar 07: Ka kynhun Myntri ka Sorkar Jylla...

Teh kyndon ka Sorkar da ka Ain bad Policy ia ka jingaiwai kali ha Jylla

Shillong, Nailar 07: Ka kynhun Myntri Sorkar ha ka...