Shillong, Risaw 04 : Ka Hynniewtrep Youth Council (HYC) ha ka sngi Thohdieng, kala byrngem ban pynlong da ka jingiakhih paidbah lada ka Sorkar kam leh eiei halor ki 7 tylli ki mat jingdawa jong ka seng ban iakhun pyrshah ia ka kam khaii droks hapoh ka Jylla.
Ha ka shithi sha u Myntri Rangbah ka Jylla Conrad K Sangma, u President ka HYC Roykupar Synrem ula ong “Ngi kyrmen bad kyntu ia ka Sorkar Jylla ban pdiang bad mynjur ia ki jingdawa ba shonghok jong ka seng jong ngi naka bynta ka bha ka miat ki nongshongshnong ka Jylla baroh kawei. Namar lada ym shimkhia ka Sorkar ban leh eiei hapoh ka pork aba biang ia kine ki jingdawa jong ngi, ngin sa pynsdang ia ka jingiakhih paidbah ban pynthikna ba ka Ssorkar kan shimkhia”.
Kine ki 7 tylli ki mat jingdawa ki kynthup ia ka treatment & rehabilitation, free detoxification, OST and day-care centres ha baroh ki District kiba jyllei droks, ban pynkhia ia ki Iingkashari Fast Track/Special Court ia ki case hapoh ka NDPS Act, 1985, ban pynkhlain ia ki buit iakhun pyrshah ia ka jingshanlan droks bad ban pynkha ia ka Ophis jong ka Narcotics Control Bureau ha Shillong.
Ia kane ka rai la shim hadien ka jingialang bala pynlong bad ki Nongialam Shnong bapher bapher, ki Rangbah Shnong, ki Seng Longkmie, Seng Samla bad ki riew paidbah myn ha ka 28 tarik Nailur. Kane ka jingialang kala rai ban pynsdang ia ka mishon bala tip kum ka Drugs Elimination and Enforcement of DREAM (DEED) Mission.
Ula ong ba ka Sorkar Jylla kala pynsdang ia ka Drug Reduction, Elimination, and Action Mission (DREAM) ha ka 27 tarik Jylliew 2023 da ka jingthmu ban pynkylla ia ka Jylla kum ka “Meghalaya kaba lait na u droks”.
“Ka dei ka policy kaba biang bha, ym don jingartatien ia kata, da ka thong ban ratdyngkhong iaka jingdih droks bad wanrah ia ka imlang sahlang kaba lait na une u jingdik, kaba ngi baroh ngi angnud bha. Hynrei kaei kaba pynsngewkhia ia ngi ka long ba kane ka Mission/Policy kala kylla long ruh kum kiwei ki kot ki sla jong ka Sorkar kaba shu itynnad tang ha ki kot ki sla hynrei kam long kaba lah ban pyntreikam kumba angnud. Namar kata, khnang ban kynjoh ia ki kyndon jong ka DREAM, ngi kwah ban dawa ia ka jingleh eiei noh kyrkieh halor kine ki 7 tylli ki mar” ong u Bah Roykupar ha ka shithi.
Haba batai bniah ia kine ki mat, une u Nongialam ka HYC ula ong ba ha Meghalaya, ki don 10 tylli ki Rehabilitation Centre kiba treikam, kiba la bei tyngka da ka Ministry of Social Justice & Empowerment (MOSIE), ka Sorkar India, ba kyrshan ka Sorkar Jylla lane ba pyniaid shimet. Ka jingshim briew jong kine ki centre ka long kumba 300 ngut ki nongpang katba ka jingdon ki nongdih droks ha Jylla kala kot ia kumba 3 lak ngut kaba long kat kum ka jingkren u Myntri ha ka Dorbar synrai ba dang shu kut ka Iingdorbar Thaw Ain. Mynta, ka jingkylli ka mih ba nangno kiwei pat ki nongdih droks kin ioh jingsumar?.
Ula ong ruh ba kat kum ki mat ha ka DREAM Document bala pyllait da ka Sorkar Jylla bad haba peit ia ka jingdon ki nongdih droks ha ki District kiba la jyllei u droks, kala nang kiew na ka sngi sha ka sngi, ka long kaba kongsan ba ka dei ban don noh ka Detoxification, OST and Day Care Centres ban ai jingshakri ei sha ki briew bala kyrni ia ka jingdih droks ha baroh kine ki District.
 ha ka sngi Thohdieng, kala byrngem ban pynlong da ka jingiakhih paidbah lada ka Sorkar kam leh eiei halor ki 7 tylli ki mat jingdawa jong ka seng ban iakhun pyrshah ia ka kam khaii droks hapoh ka Jylla.){kind=link}