Shillong, Nailur 04 : Ka jingshah khot hajir ki Nongialam ka HITO namar ka jingpynphong jain iong bad pynkieng walkie talkie ia ki nongbud, kala pynmih ia ka jingkulmar hynne ka janmiet haba ki dkhot kane ka Seng kila thmu ban leit tur sha Secretariat.
Kane ka huri hura kala mih hapdeng ki Dkhot ka HITO bad ki Pulit kiba la khang lynti ban iatur paidbah sha Secretariat Hill namar ka jingtreikam ka kyndon 144 CrPC bala pynjari dang shen da ka Deputy Commissioner.
Ka jingiatim iania bad ka jingiajrong kti kala mih hapdeng ki dkhot ka HITO hajan ka Ophis ka Deputy Commissioner bad kala don ruh ka jingialun maw haduh ba ki Pulit kila hap ban siat haduh 4 tylli ki tyndong lyer pynsat khmat
Shuwa kane ka jingjia, ka HITO kala ialum paidbah ha jaka pynieng kali ba mar pyrshah ka SBI main Branch ban iatur sha Sadar Police Station halor ka jingshah khot hajir ki Nongialam.
Dei hadien kane, ki Nongialam ka HITO bad ki Dkhot kila thmu ban iatur sha Secretariat ban leit bret ia ki jain iong lem bad ki placard hynrei kila shah khang lynti noh hajan ka ophis ka Deputy Commissioner.
Pule lang ia kane: Mih ki Nonghikai da ki spah ngut ban iasnohkti ha ka Bharat Yatra
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
